Veda Vijnaana Vishtaram

Dr. Vamshi Krishna Ghanapaathi's Literary Works

वंशीकृष्ण घनपाठिनः - सारस्वतोपासनम्

 नक्षत्रदेवता स्तोत्रम्

(यजुर्वेदीय नक्षत्रेष्टि मन्त्र व्याख्यानरूपाः)

Home

1.अग्निः – कृत्तिकाः

• अग्निर्नः पातु देवेशः          कृत्तिकाना.मधीश्वरः.

अम्बा दुला नितत्नि.-श्चाऽभ्रयन्ती मेघयन्तिका..        1

• वर्षयन्ती चुपुणीका            देवता इन्द्रियप्रदाः.

आस्ये विचक्षणं यूयं- हवि.र्जुहुत भक्तितः..2

• यस्य प्रभान्ति धूमा हि        केतुरूपाश्च रश्मयः.

• ऽधीनानि सर्वाणि      भुवनानि चतुर्दश..                   3

• स कृत्तिकाभि.रात्मान-       माच्छादयति हव्यवाट्.

दधा.त्वस्मान् सप्तजिह्वः- कर्मणः फल.मापयन्..4

अग्नये नमः. कृत्तिकाभ्यो नमः.

• प्रजापतिः - रोहिणी

• प्रजापतेः पालयित्री           रोहिणी वेत्विदं हविः.

विचित्रदीप्तिर् बृहती विश्वरूपा विवर्धनी..5

• सुपुत्रपौत्रा.न्छरदो-                      जीवये.न्न.श्शतं ध्रुवम्.

सा यच्छन्ती कर्मफलं दधा.त्वस्मा.न्छुभप्रदा..6

• पूर्वस्या.मुदयं यान्ती          रोहिणी भासते समम्.

जनीन् सर्वान् मोदयन्ती हविषाऽपि प्रजापतिम्.             7

• वर्धयन्ती देवतानां             प्रीणयित्री समैतु माम्.

संपारये.द्यज्ञ.मेतं भावुकं स्यात् कुलस्य मे..8

प्रजापतये नमः. रोहिण्यै नमः..

• सोमः – मृगशीर्षः

• मृगशीर्षेण सहितो            नक्षत्रेण स सोमराट्.

यज्ञ.मायातु ताराणा.-मधिपो मङ्गलाय नः..9

• शिवं प्रियं भ.मेतस्य          शुभप्रद.मुदीरितम्.

रेतो वर्धयतां देवो जनानां वीर्यवत्तरम्..10

• उडुश्च मृगशीर्षोयं             प्रियः प्रियतमेषु ते.

हे सोम राजन् तस्मै ते हवींषि नमसाऽर्पये..                 11

• मनुष्येभ्य.स्सुखं भूयात्       पशुभ्योपि निरन्तरम्.

तथानुगृह्य रक्षे.र्मा.-मोषधीश नमोऽस्तु ते..            12

सोमाय नमः. मृगशीर्षाय नमः..

• रुद्रः - आर्द्रा

• आर्द्रा नक्षत्रसहितः                      प्रसिध्यन् रुद्रनामकः.

देव.श्श्रेष्ठो गवां पाता ऽघ्नियाना. मैतु मेश्वरः..            13

• नक्षत्र.मस्य मा हिंसीत्-      सन्तानं मामकं पुनः.

वीरा.निह प्रीणयानि हविषा सन्ततं शिवम्..14

• रुद्रस्यायुध.मस्मा.न्मा    हेतिः परिवृणक्तु तत्.

अस्माभि.रर्पितं हव्य.-मार्द्रा.भं जुषतां सदा..15

• आर्द्रा.रुद्रौ ममैनांसि          मोचयेतां क्षणेन वै.

अरातिं मम यज्ञस्य हरतां पापकीर्तनम्..16

रुद्राय नमः. आर्द्रायै नमः..

• 5 अदितिः - पुनर्वसू

• पुनर्वसू.नामकौ ता.-          वदिते.स्तारकात्मकौ.

स्वयो.रधिष्ठायिकया यज्ञ.मेतां शुभङ्करौ..17

• सर्वे देवा यज्ञभूमि.-           मिमा.मभ्याप्नुवन्तु मे.

सादिती.नादितेयांश्च पुन.रेतान् जुहो.म्यहम्..18

• वात्सल्येन समायान्ती        भर्त्री विश्वस्य मङ्गला.

• ऽघ.दूरस्था         प्रतिष्ठा जगतोऽदितिः..            19

• पाथः प्रियं समाप्नोतु          हव्य.मस्माक.मिष्टदा.

पुनर्वस्वोः प्रजातांश्च वर्धयन्ती जनान् सदा..20

अदित्यै नमः. पुनर्वसुभ्यां नमः..

• 6 बृहस्पतिः - तिष्यः

• बृहस्पति.र्देवपूज्य-            स्तिष्य.नक्षत्र.देवता.

जायमानो विष्णुपदे स्वकीयान् रक्षतात् सदा.. 21

• स जिष्णु. रप्रतिरथः          पृतनासु च वैरिणाम्.

• ऽस्माक.-        मभयं दिक्षु सम्भवेत्..               22

• शैशवे बाल्य एवास्मान्      यौवने वार्धके तथा.      

तिष्यो बृहस्पति. स्सर्वान् परिपातां शुभाय च..23

• आन्तरान् बाहिरान् द्वेष्टॄन्    बाधित्वाऽभीति. मुत्तमाम्.

कुरुतां तेन भूयास्म सामर्थ्येन युता वयम्..24

बृहस्पतये नमः. तिष्याय नमः..

• 7 सर्पाः - आश्रेषाः

• आश्रेषा नाम नक्षत्र-           देहा.स्सर्पाधिदैवताः.

अस्माकं स्वाहुतं हव्यं जुषन्तां हृष्टमानसाः..25

• पृथिवी. मन्तरिक्षञ्च                      येऽधितिष्ठन्ति वै दिवम्.

यज्ञ.मायान्तु ते सर्वे सर्पा दोष.प्रहारकाः..26

• ये त्वभिव्याप्य तिग्मांशोर्-  दन्दशूकाश्च दीधितीन्.

• ऽप्सुषद.श्चैव            खेचरा. स्सर्पदेवताः..               27

• मधुम.द्धव्य. मेताभ्य.-        स्सश्रद्धं प्रददा.म्यहम्.

सन्तर्पिताः करम्भैश्च द्विषो मे नाशयन्तु ते..28

सर्पेभ्यो नमः - आश्रेषाभ्यो नमः..

• 8. पितरः- मघाः

• मघा नक्षत्र देवेभ्यः                      पितृभ्यः प्रणति.र्मम.        

मनोजवा. स्सुष्ठुकर्म-कुशलाः कृतकृत्यकाः..29

• हव.मस्माक.मायान्तु         मामकाः पितरोऽधुना.

स्वधाभिः प्रयतं यज्ञं सेवन्तां पितरो मम..30

• संस्कृतेनाऽग्निना दग्धा.-    स्तदन्येऽसंस्कृताः पुनः.

लोकेमुष्मिन् ये वसन्ति पितृलोके नमस्कृताः..31

• वयं यान् विद्म पित्रादीन्      यान्न विद्म च पूर्वजान्.

ते सर्वे यज्ञ.मागत्य गृह्णतां संस्कृतं हविः..32

पितृभ्यो नमः. मघाभ्यो नमः..

• 9 अर्यमा - पूर्व फल्गुन्यौ

• फल्गुनीनां पते देव            गवां पति.रसि प्रभो.

• वरुणेति च मित्रेति            प्रख्यातोऽसि त्व.मर्यमन्..         33

• दातव्यानां सनीनां त्वं         धनानां सनिता भृशम्.

• त्वत्सेवयैव जीवन्तो           जीवं त्वां स.मुपास्महे..          34

• जगन्ति सर्वाणीमानि         वशीकृत्याऽवसि प्रभो.

• देवा.स्त्वा.मनु संयन्ति        त्वदधीना वशंवदाः..                35

• अजरोऽसि च वर्धिष्णू-      राजा जीवगणस्य भोः.

• फल्गुनीना.मधिष्ठाता         वृषभो रोरवीषि मे..                  36

अर्यम्णे नमः. फल्गुनीभ्यां नमः..

• 10. भगः – उत्तर फल्गुन्यौ

• हे भग श्रेष्ठ देवानां             भगवा.नसि भास्वर.

ऐश्वर्य.धर्म.यशसां ज्ञान.वैराग्ययो. श्श्रियः..37

• स्वामित्वेनाऽपि फल्गुन्यो   विन्दन्ति त्वा.मवेहि ते.

महिमान महं जानै संप्रेरय मतिं प्रभो..38

• गोमत् सुवीर्य.मजर.-         मश्वव.द्रयि.माप्नुयाम्.

भगो दाता धनादीनां मण्यादीनां प्रदायकः..39

• फल्गुनी.राविशन् देवो -     बुद्धिं चोदयता.न्मम.

प्रसवेन तदीयेन मोदिषीय सुरै.स्सदा..40

भगाय नमः. फल्गुनीभ्यां नमः..

• 11 सविता - हस्त नक्षत्रम्

• हस्त.नामक.नक्षत्रं             सुभगं पुण्य.पावनम्.               

फला.न्यभिमतानीह प्रयच्छत् पृण.दुत्तमम्..41

• तन्नक्षत्राऽधिदेवोऽयं          सविता मङ्गलप्रदः.

यज्ञ.मायातु स प्रीत्या हिरण्मयरथेन वै..42

• कर्मणा प्रकृतेनैव               युक्तो हस्तः प्रयच्छतु.

• ऽमृत. मस्मभ्यं        गृह्णीमो दक्षिणेन तत्..              43

• यो नो यज्ञं सुव.त्यद्य         तं हस्ताय लभेमहि.

प्रचोदयन् मां सविता दाता संरक्षतात् सदा..44

सवित्रे नमः. हस्ताय नमः..

• 12 त्वष्टा - चित्रा नक्षत्रम्

• सुभंससं सुजघन देश-       युक्ताञ्च तारकाम्.

• रोचमानां समागच्छन्        त्वष्टा श्वश्रेयसङ्करः..                 45

• देवा.न्मनुष्यान् स्वीयेषु       रूपेषु विनिवेशयन्.

• निरूपयन्  लोकजातं         विचष्टा.न्नः कृपाकरः..              46

• चित्रा नक्षत्र. मभ्येति          त्वष्टा लोकस्य सर्जकः.

• भूरिदा.श्चित्रया युक्तो          मह्यं वीरवतीं प्रजाम्..               47

• पुण्यां सनोतु सततं           चित्रकर्मा विभाकरः.

• समृद्धं गोभि.रश्वैश्च            यज्ञ.मेत.ङ्करोतु मे..                  48

त्वष्ट्रे नमः. चित्रायै नमः..

• 13 वायुः - निष्ट्या (स्वाती)

• निष्ट्या.नक्षत्र.संयुक्तो           वायुदेवः प्रसीदतु.

• महाबलो वृष्टिहेतु.-                      र्लोकसञ्चालको विभुः..      49

• शब्दायमानो लोकस्थ-       जीविन.स्तु समीरयन्.

• स कामचार.श्शत्रून् मे-      नुदता.मर्थसिद्धये..                   50

• वायुनाऽधिष्ठिता तारा         स्वाती विज्ञापनं मम.

• श्रुत्वा भूयाद् भूरिदा मे        पापाना.मपनोदनी..                 51

• यस्या.मुदूढा कन्या चेत्      सुख.माप्त्री सुशोभना.

• तत्सङ्गता देवता मे            त्वनु गृह्णन्तु वाञ्छितम्.. 52

वायवे नमः. निष्ट्यायै नमः..

• 14 इन्द्राग्नी – विशाखे

• विशाखानामिके तारे          इन्द्राग्नीदेवते मम.

शत्रू.नुन्मूल्य सततं प्रददातां सुरक्षणम्..53    

• प्रकृतं यज्ञ.मस्माक.-         मङ्गीकुर्वन्तु देवताः.

पश्चात् पुरस्ता.दभय.-मस्माकं भवतात् सदा..54

• अधिपत्न्यौ तारकानां          विशाखे कीर्तिते तथा.

इन्द्राग्नी च सुरश्रेष्ठौ भुवनत्रायकौ मतौ..55

• अस्मच्छत्रून् पीडयित्वा-     ऽरातिं क्षुध.मितोऽपि च.

निराकृत्य सुखं दत्त्वा निश्शत्रुं कुरुतां जनम्..56

इन्द्राग्निभ्यां नमः. विशाखाभ्यां नमः..

• 15 पौर्णमासी

• पौर्णमासी श्रेष्ठदेवी            पूर्णा भासा निशाकरी.

पश्चात्तु पुरतो नून.-मुज्जिगाय विरोधिनः..57

• मध्यत. स्समभिव्याप्य       जगत् सुखयतीडिता.

ता.मधिष्ठाय देवा मां हर्षयन्तु क्रता.विह..58

• उदयन्ती शोभमाना           पृथुला युवति.र्मही.

हवींषि सेवमानेयं सुवर्चाः कुरुते हवम्..59

• सफलं यजमानाय             सश्रद्धाय  पुनः पुनः.

आप्याययन्ती सुकृतं दुरितघ्नी प्रसीदतु..60

पौर्णमास्यै नमः

• मित्रः - अनूराधाः

• उपसीदेम तं मित्रं              हविषा नमसा क्रतौ.                

ऋध्यास्म मित्रधेयेन सप्रश्रयधियो वयम्..61

• तदीयभ.मनूराधान्-           हव्यैः परिचरेम हि.

शत.ञ्जीवेम शरद.-स्सापत्या.स्तत्फलेन वै..62

• पुरस्ता.दुदगा.च्चित्रं            नक्षत्रं मित्रदैवतम्.

• ह्वयं पुण्यं          सखायः पश्यताऽधुना..            63

• तदधिष्ठाय मित्रोऽय.-        मैति देवाध्वभिः प्रभुः.

अन्तरिक्ष.व्यापिभिः प्र-काशमानै.रहर्निशम्..64

मित्राय नमः. अनूराधेभ्यो नमः..

• इन्द्रः - ज्येष्ठा

• ज्येष्ठाऽभिधं स्वं नक्षत्र.-      मनुगच्छन् पुरन्दरः.

यस्मिन् निमित्ते नक्षत्रे शक्रो वृत्रं जघान ह..65

• जुहुम.स्तच्छुभे भे तं          हव्येनाऽमृतरूपिणा.

क्षुधं दुरिष्टिं दुरितिं तरेमैनःकृता इह..66

• कामानां वर्षयित्रेऽस्मै         धार्ष्ट्ययुक्ताय मीढुषे.

वैरिण.स्सहमानाय दुहाना मधुम.द्धविः..67

• यजमानाय सा ज्येष्ठा          विस्तृतं कुरुतां जगत्.

तत्प्रसादेन लुप्येत दुर्गति.स्तु ममाऽन्वये..  68

इन्द्राय नमः. ज्येष्ठायै नमः..

• प्रजापतिः - मूलम्

• मूलं नक्षत्र.मस्माभिः          प्राजापत्यं सुसेव्यते.                

यदीयाः पितर.स्स्यु.स्सा- प्रजां वीरवतीं दिशेत्.. 69

• विधत्ताद् गोसमृद्धिं मे -      निरृतिं च पराङ्मुखीम्.

यजमानाय मह्यं तद्-दिवेव प्रविभासताम्..70

• यन्नक्षत्रं मूल.मिति-           निर्दिशन्ति जना इह.

अहःप्रकाश.सदृशं विदधातु शुभे फले..71

• राक्षसीं निरृतिं वाचा         पराचीं तां करो.म्यह्यम्.

शिवं मम प्रजायै स्या.-न्मह्यं भद्रं सदा भवेत्..72

प्रजापतये नमः. मूलाय नमः..

• आपः - पूर्वाः अषाढाः

• आपो दिवि भवा या वा        पार्थिवा अन्तरिक्षजाः.

पेयं यच्छन्तु सलिल.-मस्मभ्यं सस्यसम्पदम्..73

• यदिच्छा.मनुवर्तन्ते            पूर्वाऽषाढास्तु तारकाः.

अनिष्टशान्ति.हेतुत्वात् सुखदा.स्ता भवन्तु मे..74

• पर्वतेभ्यो नदीमध्ये            सागरे सम्भवन्ति याः.

वेशन्तेषु च कूपेषु खन्या या जीवयन्ति नः..75

• यासां पूर्वा अषाढा.स्स.-     मदन्ति मधुरं रसम्.

अनिष्टशान्ति हेतुत्वात्- सुखदा.स्ता भवन्तु मे..76

अद्भ्यो नमः. अषाढाभ्यो नमः..

• विश्वे देवाः - उत्तरा अषाढाः

• विश्वे देवाः कृपाशीला.-      श्शृण्वन्तु प्रार्थनं यथा.

अषाढा उत्तरा.स्तेषा.- मभिसंयन्तु मेऽध्वरम्..             77

• तन्नक्षत्रसमूहो हि               पशुवृद्ध्यै प्रसिध्यति.

कृषि. र्वृष्टि.र्यदायत्ता यजमानाय कल्पते..78

• शुभ्राः कान्तियुता रूप-      युक्ता.स्सन्ति सुकृत्तराः. 79

• विश्वान् देवान् वर्धयन्त्यो     हविषा वीर्यवत्तराः.

अषाढा.स्ता. स्समायन्तु काम्यमान.मिमं हवम्..80

विश्वेभ्यो देवेभ्यो नमः. अषाढाभ्यो नमः..

• ब्रह्म - अभिजित्

• अभिजि.द्भवति श्रेष्ठं            सर्वार्थविजयेन हि.

यस्मि.न्नजैषीद् ब्रह्माऽपि      ब्रह्मलोक.मिदं जगत्..             81

• विश्वं पूर्णं सर्व.मेव            तन्नक्षत्रं जयाय मे.

अपहर्तु.मशक्यायै - श्रियै दीव्ये.च्छुभप्रदम्..82

• भूमि.र्द्यौ.रित्युभौ लोकौ      विधात्रा हि समुज्जितौ.

यस्मि.न्नक्षत्रयुक्ते तु -काले देवा जयावहाः..83

• विशेषेण ख्यापयेत् त.-      दस्मान् देवेषु, मङ्गलम्.

अनुजानन्तु देवा नो - जयेम पृतना वयम्..84

ब्रह्मणे नमः. अभिजिते नमः..

• विष्णुः - श्रोणा

• श्रोणा तारा पुण्यकीर्तिं         ददातीति प्रसिध्यति.              

पापवार्तालवो यस्यां - न स्यात्, कर्मफलप्रदा..              85

• महाविष्णोः पालयित्री-      जनै.स्तोष्टूयते सदा.

अस्माकं ता.मभिमुखीं- हविषा तर्पया.म्यहम्..86

• अस्या.मभू.दुपेन्द्रोऽसा.-    वन्तरिक्षं महीं दिवम्.

विक्रम्य कीर्तितो विष्णु.- रुरुगायो बभूव ह..87

• अशीर्णा महती देवी-         यजमानस्य मङ्गलम्.

श्रवः कामयमानेयं पुण्यकीर्तिप्रदायिनी..88

विष्णवे नमः. श्रोणायै नमः..

• वसवः - श्रविष्ठाः

• वसवोऽष्टौ सौम्यरूपा-       देवाः पान्तु मम क्रतुम्.

चतस्र एता देव्योऽपि-        श्रविष्ठा अजरा.स्स्मृताः..          89

• तद्रक्षणेन संपार्य               क्रतुं, स्व.र्यानि भावुकम्.

संवत्सरीण.ममृतं - क्षेमेण प्राप्नुया.महम्..             90

• अवन्तु यज्ञ.मस्माकं          पुरस्ता.द्वसुदेवताः.

आभिमुख्येन मायन्तु -    श्रविष्ठा दक्षिणा दिशि..             91

• भजेम पुण्यं नक्षत्र.-           महं भूयास.मुत्तमः.     92

वसुभ्यो नमः. श्रविष्ठाभ्यो नमः..

• वरुणः - शतभिषक्

• वरुणो राजते राजा            तस्मा.च्छतभिष.ग्वरः.            

क्षत्रस्य पालको लोके-ऽधिराजो यज्ञ.मैतु मे..              93

• देवदानवसंग्रामे-               यस्मि.न्नक्षत्रसन्निधौ.

अभिषज्य.न्छतं देवा- स्तस्मा.च्छतभिषक्.छ्रुतः..94

• देवानां भिष.गस्मभ्यं -       भेषजानि प्रयच्छतु.

शतं सहस्राणि च मे दीर्घायुष्यस्य हेतवे..95

• दृढान् कुर्या.दशिथिलान्     नीरोगान् हृष्टमानसान्.

तारावसिष्ठ.वरुणा.- वुपयातां क्रतुं मम..96

वरुणाय नमः. शतभिषजे नमः..

• अजः एकपात् - पूर्व प्रोष्ठपदाः

• अजन्मा भासते योऽग्नि.-    रेकपात् सूर्य एव सः.

अद्य प्रोष्ठपदैः पूर्वै.-रुदित.स्सह जीविनः..97

• प्रति मोदयते, देवाः           प्रसवं तस्य यन्ति च.

पीयूष गोपका. श्शस्ता.-स्ते प्रोष्ठपद नामकाः..98

• विभ्राजमान.स्सर्वान् प्र-      काशय.न्नुग्रतेजसा.

अन्तरिक्षं द्युलोकञ्च- रोहत्येष दिवाकरः..99

• तं प्रोष्ठपद.नक्षत्र-              देहाः पर्यनुयन्ति ते.

देवानाञ्च मनुष्याणां रक्षां कुर्वन्तु पावनाः..100

अजायैकपदे नमः. प्रोष्ठपदेभ्यो नमः.

• अहिर्बुध्नियः - उत्तर प्रोष्ठपदाः

• न हीयतेऽहिर्, लोकस्य -   बुध्ने भवति बुध्नियः.

स आदिदेवो रुद्रोऽयं         जग.दुत्पत्तिमान् मतः..            101

• देवमानव सङ्घाते               श्रेष्ठं सेवन्त एव तम्.

सोमपा ब्राह्मणा.स्तारा उत्तराभाद्र.नामकाः..102

• यान् प्रोष्ठपद.नाम्नैव            निर्दिशन्ति जना.स्तु ते.

नक्षत्रदेहा.श्चत्वार.- स्सेवाकर्मपरायणाः..103

• परिषद्य.महिं बुध्न्य.-                      मुपसीदन्ति सन्ततम्.

स्तोत्रै.र्नमोभिर् देवाश्च .-वयं तं संस्तुवीमहि..104

अहये बुध्नियाय नमः. प्रोष्ठपदेभ्यो नमः..

• 27 पूषा - रेवती

• पूषा च रेवतीतारा-            गच्छतां मेऽध्वरं शुभौ.

बस्त्यं बलं वाज.मन्नं ददतौ रक्षतां पशून्..105

• हव्यानीमानि गृह्णन्ता.-       वायातां सुख.मुत्तमौ.

कुलं वर्धेत रेवत्याः पूष्णोऽनुग्रह हेतुना..               106

• क्षुद्रान् पशून् गा रक्षेता.-     मश्वान् पूषा च रेवती.

मुद्ग-गोधूम-नीवार- व्रीह्याद्यन्नस्य दानतः..            107

• यजमानाय वाजं तौ           सनुतां पोषका.वुभौ.

मा कश्चि.द्धीयतां पोषैः पोषके पूष्णि संस्थिते..108

पूष्णे नमः. रेवत्यै नमः..

• 28 अश्विनौ - अश्वयुजौ

• अश्विनौ ता.वश्वयुग्भ्यां-      सहिता.वध्वरं मम.                 

नियन्तुं सुशकै. रश्वै.- रुपयातां शुभेच्छुकौ..109

• स्वीयं नक्षत्रयुग्मं तौ           यजन्तौ हविषा सदा.

संपृक्तौ मधुनाऽस्माभिर्-     नासत्यौ यजुषा स्तुतौ..             110

• श्रेयांसौ देवभिषजौ            वोढारौ हविषां श्रुतौ.

श्रोत्रस्विना.वबधिरौ श्रोत्रेन्द्रिय. विवर्धकौ..111

• विश्वस्य दूतौ भवता.-         ममृतस्य सुरक्षकौ.

नक्षत्राभ्या.मश्वयुग्भ्यां नन्नम्येते मया सह..112

अश्विभ्यां नमः. अश्वयुग्भ्यां नमः..

• यमः - अपभरण्यः

• यमोऽपभरणीभि.र्मे            पाप्मानं नाशयेत् प्रभुः.

• ऽसौ पितृलोकस्य       महतोऽपि महान् हि सः..         113

• विचष्टां भगवा.नस्मा.-        ननुगृह्णातु सर्वदा.

लोकान्तर प्रयाणेऽपि         भवता.दभयं मम..                   114

• यस्मि.न्नक्षत्रकालेऽसौ        यमराजोऽभ्यषिच्यत.

• ऽपि        प्रेतादीनां नियामकः..               115

• तै.श्चाऽपभरणीभि.स्स        गृह्णीतां हवि.रध्वरे. 116

यमाय नमः. अपभरणीभ्यो नमः..

• 30 अमावास्या

• निवेशयन्ती गेहेषु -           समीचीनेषु देवता.                  

विश्वरूपा.नियं पोषा.-नमावास्याऽभिमानिनी..           117

• वसूनां निधनानाञ्च             प्रापयित्री विराजते.

सहस्रपोषं सुभगाप्रयच्छन्ती समैतु माम्..118

• अमावास्ये महिम्ना ते         देवा. स्सर्वे हविर्भुजः.

भागधेयं प्राप्नुवन् तत्      तुभ्यं कुर्मो नमो वयम्..             119

• सौभाग्यदा भवाऽस्मभ्यं     विश्वस्याऽरिष्टनाशनी.

परिपूरय यज्ञ.न्नो रयिं धेहि निरन्तरम्..120

अमावास्यायै नमः..

• 31 चन्द्रमाः

• नवो नवो जायमान.-         श्शुक्ले पक्षे हि चन्द्रमा:.

अह्ना.मन्ते पुरोषोभ्यो ज्योत्स्ना तस्य विभासते..121

• स्वीयागमन.भाग्येन       देवयज्या: प्रकल्पते.

• ऽयं चन्द्रमा आयु.-      स्तिरते यज्वनां सदा..              122

• संराजते विष्णुपद-            एधय.न्नोषधी.रसौ.

अंशु.माप्यायय.न्त्यस्य स्वै.रादित्या दिवा निशा..123

• सोम.मेतं सुरा मर्त्या:         पिब.न्त्यक्षितयेऽध्वरे.

बृहस्पति. स्सहैतेन वरुणो वर्धये.च्च नः..124

चन्द्रमसे नमः. प्रतीदृश्यायै नमः.

• 32. अहोरात्रे

• ये विरूपे अहोरात्रे            संव्ययन्त्यौ मयेडिते.    

द्वाभ्याञ्च शुक्लकृष्णाभ्यां व्रीहिभ्या. मीप्सिते हवे.125

• सांमनस्यं सुमनसौ            ददतां देवते उभे.

विभू प्रभू ते अनुभू तन्वातां तन्तु.मन्वयम्. 126

• अहोरात्रे देवते ते              हविषाप्यायया.न्यहम्.

मम यज्ञं सहैतां त.-दतिमुच्येय पाप्मन:..127

• ब्रह्मणाऽनेन देव्यौ ते          संविदाम यजेम च.

तत्कृपा.लब्धसंपत्त्या सुरत्ना.स्स्याम सर्वदा..128

अह्ने नमः. रात्र्यै नमः .

• 33. उषाः

• उषा दुहितृरूपेयं                द्यो.र्दरीदृश्यते परम्.

प्रत्यहं दैवकर्माणि कारयन्ती शुभङ्करी..129

• प्रतिप्रभात.मायन्ती                      व्युच्छन्ती हितदायिका.

तमसा प्रावृतं लोकं काशयन्ती महीयते..130

• सूनरी व्यवहाराणां            सुष्ठु नेत्री प्रकाशतः.

उस्रिया. स्सचते रश्मी.-नुदयन् भानु.रर्चिमान्..131

• सह व्युष्टौ तु युवयो.-         रुषो देवि दिवाकर.

नक्षत्रवद् भा.समेतो लोकोऽय.मवतं प्रजाम्..            132

उषसे नमः

• 34. नक्षत्रम्

• नक्षत्रदेवं प्रणमन्               मनुष्याणां महोत्तमाम्.  

स्थितिं मतिं लभेयाऽहं       नित्यकर्म.परायणः..                133

• भक्तेनाऽन्नेन हविषा           यज्ञे तं जुहुयां कृती.

अर्चितं भानुयुक्तञ्च नक्षत्रं हव.मैतु मे..134

• परमैश्वर्य.सन्धात्र-             इन्दुतुल्यं सुधामयम्.

प्रदाय हवि.रिन्द्राय वरं याचे सभक्तिकः..135

• वीरवत्.सनिदाता मे          पोषकोऽसि कुले मम.

नक्षत्रदेव सविता मते.र्मम भव प्रभो..136

नक्षत्राय नमः..

• 35. सूर्यः

• उद्यन्तं रवि.मुद्वीक्ष्य           तस्य भामण्डलं तथा.

जातवेदोनिभं देवं मन्ये सूर्यं महोज्ज्वलम्..137

• उद्वहन्तीव दृश्यन्ते                      केतुस्थानीय.रश्मयः.

विश्वस्य दर्शनार्थे च लोकानां हितकाम्यया..138

• रक्तश्वेतादि.वर्णैश्च          चित्र.मालोक्यते दिवि.

• ऽयं          सेनेव भ्राजते भृशम्..               139

• मित्राग्निवरुणादीनां         देवानां प्राणिनां भुवि.

चक्षुरिन्द्रिय.सङ्काशं भाव्यते सूर्यमण्डलम्..140

• तस्थुषो जङ्गमस्याऽसा.-     वात्मा सूर्यो जगत्प्रभुः.

द्यावापृथिव्यौ व्योमाऽपि     संपूरयति भास्करः..                 141

सूर्याय नमः..

• 36. अदितिः

• अदिती रक्षता.दस्मा-         नदिति.श्शर्म यच्छतु.

अंहसां त्रितया.त्पातु- मां माताऽदितिदेवता..              142

• देवानिव स्वतनयान्           पालयन्ती विराजते.

वात्सल्यभावसंयुक्ता सदाऽस्मान् रक्षता.दियम्..        143

• अस्माक.मवनायेमा.-        माह्वयामि सुरप्रसूम्.

महनीयां सुव्रतानांमातृव.द्धितकारिणीम्..144

• अजीर्यन्तीं बहुक्षत्रां                      सत्यस्यर्तस्य पालिकाम्.

• समीचीनसुखोपेतां            विस्तीर्णां सुप्रणायिकाम्..          145

अदित्यै नमः..

• 37. विष्णुः

• इदं त्रयं हि जगतां            विष्णु.र्देवो विचक्रमे.

त्रिविक्रम प्रसिद्धोऽसौ        पदं त्रेधा न्यधा.द्विभुः..              146

• भू.रन्तरिक्षं द्यौश्चाऽपि        पांसव.स्तत्पदे मताः.

समूढं येन भुवनं- स मे विष्णुः प्रसीदतु..147

• उल्लंघति गिरौ सिंहो          यथोत्प्लुत्य बलाद् भुवः.

• सीद् भीमवीर्येण       क्रममाणः पदत्रयम्..                148

• वसन्ति लोका. स्ससुखं      तस्य विक्रमणे.ष्वधि.

सैव यज्ञप्रतिष्ठा हि- महाविष्णुः प्रसीदतु..149

विष्णवे नमः.

• 38. अग्निः- सञ्चर देवता

• अग्नि.र्मूर्धेव लोकस्य          सूर्यरूपी विराजते.

ककु.द्दिव.श्चोच्छ्रितत्वात् स्वर्ग्योऽग्निः पार्थिवोऽपि सः.     150

• पाक.दाहादि.कारित्वात्   पृथिव्याः पति.रीरितः.

अपां स्रष्टा जाठर.स्सन्प्राणि.कार्याणि जिन्वति..151

• भुवि लोके तत्र यज्ञ-          कर्मणो नेतृता त्वयि.

अग्ने द्युलोके सचसे शिवाभि.स्सप्तरश्मिभिः..152

• सूर्य.स्सुवर्षा भगव.-          न्नुन्नतं कुरुषे दिवम्.

• गृह्णन्तु हवि.रस्माकं-         सप्त जिह्वाश्च तावकाः..             153

अग्नये नमः..

• 39. अनुमतिः - सञ्चर देवता

• अनुमन्येत यज्ञं मे-            ऽनुमति.र्देवतागणे.

• ऽद्य-          मया प्रचरितं भवेत्..                 154

• अग्निश्च हव्यवा.ड्देवो           हवि.र्दत्तवते सुखम्.

मह्यं प्रयच्छे.न्महितो- देवयज्योत्तरा भवेत्..155

• हे देव्यनुमते भक्त्या            प्रार्थये शं कुरुष्व मे.

अनुमन्यस्व विहितं सुफलं कर्म नो भवेत्..156

• दक्षं क्रतुं शरीरेषु               वर्धयस्व प्रपूजिते.                  

• स्माकायूंषि-   सुखं शान्तिं च देहि नः..           157

अनुमत्यै नमः..

• 40. अग्नि.स्स्विष्टकृत्

• हव्यवाहं सञ्जुहुमो              जिष्णुं रक्षोहणं हवे.

• वासं          ज्योतिष्मन्त.मभीष्टदम्..            158    

• दीद्यन्त. माराधये त.-        मिष्टं स्विष्टं करोति यः.

अभिमातीन् पाप्मनोऽभि-   भावयेद् गृहपो मम..                159    

• प्रक्षिप्तं हवि.रस्माकं -         वैकल्य.रहितं कुरु.

अग्ने देव श्रुतौ लोके स्विष्टकृत् त्वं प्रसिध्यसि..160

विश्वशत्रून् निराकुर्वन् विस्तीर्णान् मे पथः कुरु.

• आयु.र्वर्धस्व वेदोक्तं           ज्योतिष्म.दजरं मम..               161

अग्नये स्विष्टकृते नमः..

• वेदार्थस्याऽनुवादोऽयं नक्षत्रस्तोत्र नामकः.

• यत्करोमि यदश्नामि यज्जुहोमि ददामि यत्।

यत् तपस्यामि वार्ष्णेय तत्करोमि त्वदर्पणम्।।

• त्वदीयं वस्तु गोविंद तुभ्यमेव समर्पये।।

।।श्रीपरमेश्वरार्पणमस्तु।।