Veda Vijnaana Vishtaram

Dr. Vamshi Krishna Ghanapaathi's Literary Works

वंशीकृष्ण घनपाठिनः - सारस्वतोपासनम्

देवी - अष्टकम् - प्रतिपदार्थः

Home

 देवी अष्टकम् (मात्राछन्दः)  - मूलम् (रागः - दुर्ग, तिस्रगतिः

>>1. इन्द्रादि सुबृन्दारक.बृन्दै.रभिवन्द्या 
मन्दस्मित सौन्दर्य जितेन्दु द्युति.रम्बा। 
संविन्द.दमन्दाखिल नन्दोदय कन्दा 
सन्ध्यास्वनुसन्धा मुदबन्धं कुरु सन्ध्ये।।

>>2. सान्ध्यारुण वर्ण भ्रमराम्बा विदमन्द्रा 
तन्द्रोन मतन्द्रा कुरु मैन्द्रीप्सित मिन्दा। 
उन्दन्तु त इन्दोस्सृत सम्भन्दन सान्द्राः 
विन्देम सुधानां भव तन्द्रा स्सितधाराः।।

>>3. सान्ध्य.भ्रु मम भ्रूयुग मध्यस्थ सुभद्रे 
मुद्रा रचनेन द्रुत मुद्द्रावित निद्रे। 
क्षुद्रोरु दरिद्रा स्त्वदनु ग्राहि दृगग्रैः 
भद्रा रजताद्रीश्वर भद्रे भव भद्रा।।

>>4. आन्दोलय वन्दारुजनं मात.रुमे मां 
सन्दोहय वेदार्थमजस्रं धरुणार्थम्। 
सन्देहभिदं चावृतिदाहैकपदं मे 
आवृत्तिविहीनं ददसे नून.मपर्णे।।

>>5. उन्दाञ्चकरानन्दमरन्दे हृदयं मे 
रन्धेय.मतो भावमुदीर्णं मधुविद्ये। 
त्रन्दानि पदे मेदुरमन्दाकिनि सिद्धे 
स्कुन्देय मदीयं मन आनन्दनकन्दे.

>>6. ब्रह्माण्ड.करण्डस्य सवित्री प्रसवित्री 
भण्डादि कुचण्डासुर खण्डावन शौण्डा। 
चण्ड स्फुरदुद्दण्ड.रुडाकुण्डन दण्डा 
मण्डोडुप चामुण्डि गुडास्मा.न्छिवपण्डा।

>>7.स्कन्दात्मजनन्दे गुरुवन्द्ये चलमन्दे 
स्पन्देन हि रात्रिन्दिव.मञ्जन्ति तवैते। 
क्लिन्दन्ति च कन्दन्ति सुशुन्धन्ति शुभन्दे 
व्यञ्जन्त्यररिन्दोत्थ मरन्दं जगतीमे।।

>>8.  अन्दानि मनो वन्दनचन्देन सुनन्दे  
भिन्दानि करालं भवबन्धं मनुरन्धात्। 
नन्दानि मिलिन्दीभवदिन्दीवरपद्ये      
इन्दानि महेन्द्राभ महानन्दद भन्दे।।

फलश्रुतिः - 
सर्वान्तर्वर्तिनीं विद्यां- 
सच्चिदानन्द.भास्वतीम्। 
स पठ्या.दष्टकं विद्वान् - 
यो विज्ञां समभीप्सति।।