Veda Vijnaana VishtaramVeda Vijnaana Vishtaram
विषयसूचिका |
मङ्गलश्लोकाः |
श्रीराम प्रार्थनम् |
बालकाण्डः |
अयोध्याकाण्डः |
अरण्यकाण्डः |
किष्किन्धकाण्डः |
सुन्दरकाण्डः |
युद्धकाण्डः |
उत्तर काण्डः |
सङ्क्षेप रामायणम् |
नामरामायणम् |
 |
 |
 |
Click here for your required Script/ Language.
तपस्स्वाध्याय निरतं - तपस्वी वाग्विदां वरम्।
नारदं परिपप्रच्छ - वाल्मीकिर् मुनिपुंगवम्।। 1
कोन्वस्मिन् सांप्रतं लोके - गुणवान् कश्च वीर्यवान्।
धर्मज्ञश्च कृतज्ञश्च - सत्यवाक्यो दृढव्रतः।। 2
चारित्रेण च को युक्तः - सर्व भूतेषु को हितः।
विद्वान् कः क स्समर्थश्च - कश्चैक प्रियदर्शनः।। 3
आत्मवान् को जितक्रोधो - द्युतिमान् कोनसूयकः।
कस्य बिभ्यति देवाश्च - जात रोषस्य संयुगे।। 4
एत दिच्छाम्यहं श्रोतुं - परं कौतूहलं हि मे।
महर्षे त्वं समर्थोसि - ज्ञातु मेवं विधं नरम्।। 5
श्रुत्वा चैतत् त्रिलोकज्ञो - वाल्मीके र्नारदो वचः।
श्रूयता मिति चामन्त्र्य - प्रहृष्टो वाक्य मब्रवीत्।। 6
बहवो दुर्लभा श्चैव - ये त्वया कीर्तिता गुणाः।
मुने वक्ष्याम्यहं बुद्ध्वा - तैर्युक्त श्श्रूयतां नरः।। 7
इक्ष्वाकु वंश प्रभवः - रामो नाम जनै श्श्रुतः।
नियतात्मा महावीर्यः - द्युतिमान् धृतिमान् वशी।। 8
बुद्धिमान् नीतिमान् वाग्मी - श्रीमान् शत्रु निबर्हणः।
विपुलांसो महाबाहुः - कंबु ग्रीवो महाहनुः।। 9
महोरस्को महेष्वासः - गूढ जत्रु ररिन्दमः।
आजानु बाहु स्सुशिराः - सुललाट स्सुविक्रमः ।। 10
सम स्सम विभक्तांगः - स्निग्ध वर्णः प्रतापवान्।
पीन वक्षा विशालाक्षः - लक्ष्मीवान् शुभ लक्षणः।। 11
धर्मज्ञ स्सत्यसन्धश्च - प्रजानां च हिते रतः।
यशस्वी ज्ञानसंपन्नः - शुचि र्वश्य स्समाधिमान्।। 12
प्रजापति सम श्श्रीमान् - धाता रिपु निषूदनः।
रक्षिता जीवलोकस्य - धर्मस्य परि रक्षिता।। 13
रक्षिता स्वस्य धर्मस्य - स्वजनस्य च रक्षिता।
वेद वेदांग तत्त्वज्ञः - धनुर्वेदे च निष्ठितः।। 14
सर्व शास्त्रार्थ तत्त्वज्ञः - स्मृतिमान् प्रतिभानवान्।
सर्वलोक प्रिय स्साधुः - अदीनात्मा विचक्षणः।। 15
सर्वदाभिगत स्सद्भिः - समुद्र इव सिन्धुभिः।
आर्य स्सर्वसमश्चैव - सदैव प्रिय दर्शनः।। 16
स च सर्व गुणोपेतः - कौसल्यानन्द वर्धनः।
समुद्र इव गाम्भीर्ये - धैर्येण हिमवा निव।। 17
विष्णुना सदृशो वीर्ये - सोमवत् प्रिय दर्शनः।
कालाग्नि सदृशः क्रोधे - क्षमया पृथ्वी समः।। 18
धनदेन सम स्त्यागे - सत्ये धर्म इवापरः।
तमेवं गुण संपन्नं - रामं सत्य पराक्रमम्।। 19
ज्येष्ठं श्रेष्ठ गुणैर्युक्तं - प्रियं दशरथ स्सुतम्।
प्रकृतीनां हितैर्युक्तं - प्रकृति प्रिय काम्यया।। 20
यौव राज्येन संयोक्तुं - ऐच्छत् प्रीत्या महीपतिः।
तस्याभिषेक संभारान् - दृष्ट्वा भार्याथ कैकयी।। 21
पूर्वं दत्तवरा देवी - वरमेन मयाचत।
विवासनञ्च रामस्य - भरतस्याभिषेचनम् ।। 22
स सत्य वचनाच्चैव - धर्म पाशेन संयतः।
विवासयामास सुतं - रामं दशरथः प्रियम्।। 23
स जगाम वनं वीरः - प्रतिज्ञा मनुपालयन्।
पितुर्वचन निर्देशात् - कैकेय्या प्रिय कारणात्।। 24
तं व्रजन्तं प्रियो भ्राता - लक्ष्मणो नुजगाम ह।
स्नेहा द्विनय संपन्नः - सुमित्रानन्द वर्धनः।। 25
भ्रातरं दयितो भ्रातुः – सौभ्रात्र मनु दर्शयन्।
रामस्य दयिता भार्या - नित्यं प्राण समाहिता।। 26
जनकस्य कुले जाता - देव मायेव निर्मिता।
सर्व लक्षण संपन्ना - नारीणा मुत्तमा वधूः।। 27
सीताप्यनुगता रामं - शशिनं रोहिणी यथा।
पौरै रनुगतो दूरं - पित्रा दशरथेन च।। 28
शृंगिबेर पुरे सूतं - गंगा कूले व्यसर्जयत्।
गुह मासाद्य धर्मात्मा - निषादाधिपतिं प्रियम्।। 29
गुहेन सहितो रामः - लक्ष्मणेन च सीतया।
ते वनेन वनं गत्वा - नदी स्तीर्त्वा बहूदकाः।। 30
चित्रकूट मनुप्राप्य - भरद्वाजस्य शासनात्।
रम्य मावसथं कृत्वा - रममाणा वने त्रयः।। 31
देव गन्धर्व संकाशाः - तत्र ते न्यवसन् सुखम्।
चित्रकूटं गते रामे - पुत्र शोकातुर स्तथा।। 32
राजा दशरथ स्स्वर्गं - जगाम विलपन् सुतम्।
गते तु तस्मिन् भरतः - वसिष्ठ प्रमुखै र्द्विजैः।। 33
नियुज्यमानो राज्याय - नैच्छ द्राज्यं महाबलः।
स जगाम वनं वीरः - राम पाद प्रसादतः।। 34
गत्वा तु स महात्मानं - रामं सत्य पराक्रमम्।।
अयाच द्भ्रातरं रामं - आर्य भाव पुरस्कृतः।। 35
त्वमेव राजा धर्मज्ञः - इति रामं वचोब्रवीत्।
रामोपि परमोदारः - सुमुख स्सुमहायशाः।। 36
न चैच्छत् पितु रादेशात् - राज्यं रामो महाबलः।
पादुके चास्य राज्याय - न्यासं दत्त्वा पुनः पुनः।। 37
निवर्तयामास ततः - भरतं भरताग्रजः।
स काम मनवाप्यैव - राम पादा वुपस्पृशन्।। 38
नन्दि ग्रामेकरोत् राज्यं - रामागमन कांक्षया।
गते तु भरते श्रीमान् - सत्य सन्धो जितेन्द्रियः।। 39
रामस्तु पुन रालक्ष्य - नगरस्य जनस्य च।
तत्र आगमन मेकाग्रः - दण्डकान् प्रविवेश ह।। 40
प्रविश्य तु महारण्यं - रामो राजीव लोचनः।
विराधं राक्षसं हत्वा - शरभंगं ददर्श ह।। 41
सुतीक्ष्णं चाप्यगस्त्यं च - अगस्त्य भ्रातरं तथा।
अगस्त्य वचनाच्चैव - जग्राहैन्द्रं शरासनम्।। 42
खड्गं च च परम प्रीतः - तूणी चाक्षय सायकौ।
वसत स्तस्य रामस्य - वने वनचरै स्सह।। 43
ऋषयो भ्यागमन् सर्वे - वधायासुर रक्षसाम्।
स तेषां प्रति शुश्राव - राक्षसानां तथा वने।। 44
प्रतिज्ञातश्च च रामेण - वध स्संयति रक्षसाम्।
ऋषीणा मग्नि कल्पानां - दंडकारण्य वासिनाम्।। 45
तेन तत्रैव वसता - जन स्थान निवासिनी।
विरूपिता शूर्पणखा - राक्षसी काम रूपिणी।। 46
तत श्शूर्पणखा वाक्यात् - उद्युक्तान् सर्व राक्षसान्।
खरं त्रिशिरसं चैव – दूषणं चैव राक्षसम्।। 47
निजघान रणे रामः – तेषां चैव पदानुगान्।
वने तस्मिन् निवसता - जनस्थान निवासिनाम्।। 48
रक्षसां निहतान्यासन् - सहस्राणि चतुर्दश।
ततो ज्ञाति वधं श्रुत्वा - रावणः क्रोध मूर्छितः।। 49
सहायं वरयामास - मारीचं नाम राक्षसम्।
वार्यमाण स्सुबहुशः - मारीचेन स रावणः।। 50
न विरोधो बलवता - क्षमो रावण तेन ते।
अनादृत्य तु तद्वाक्यं - रावणः काल चोदितः।। 51
जगाम सह मारीचः - तस्याश्रम पदं तदा।
तेन मायाविना दूरं - अपवाह्य नृपात्मजौ।। 52
जहार भार्यां रामस्य - गृध्रं हत्वा जटायुषम्।।
गृध्रञ्च निहतं दृष्ट्वा - हृतां श्रुत्वा च मैथिलीम्।। 53
राघव श्शोक सन्तप्तः - विललापाकुलेन्द्रियः।
तत स्तेनैव शोकेन - गृध्रं दग्ध्वा जटायुषम्।। 54
मार्गमाणो वने सीतां - राक्षसं सन्ददर्श ह।
कबन्धं नाम रूपेण - विकृतं घोर दर्शनम्।। 55
त.न्निहत्य महाबाहुः - ददाह स्वर्गतश्च सः।
स चास्य कथयामास - शबरीं धर्म चारिणीम्।। 56
श्रमणीं धर्म निपुणां – अभिगच्छेति राघवम्।
सोभ्यगच्छ न्महातेजाः - शबरीं शत्रु सूदनः।। 57
शबर्या पूजित स्सम्यक् - रामो दशरथात्मजः।
पंपा तीरे हनुमता - संगतो वानरेण ह।। 58
हनुम द्वचना च्चैव - सुग्रीवेण समागतः।
सुग्रीवाय च तत् सर्वं - शंसद्रामो महाबलः।। 59
आदित स्तद् यथा वृत्तं - सीतायाश्च विशेषतः।
सुग्रीव श्चापि तत्सर्वं - श्रुत्वा रामस्य वानरः।। 60
चकार सख्यं रामेण - प्रीतश्चैवाग्नि साक्षिकम्।।
ततो वानर राजेन - वैरानुकथनं प्रति।। 61
रामायावेदितं सर्वं - प्रणया द्दुःखितेन च।
प्रतिज्ञातं च रामेण - तदा वालि वधं प्रति।। 62
वालिनश्च बलं तत्र - कथयामास वानरः।।
सुग्रीव श्शंकित श्चासीत् - नित्यं वीर्येण राघवे ।। 63
राघव प्रत्ययार्थन्तु - दुंदुभेः काय मुत्तमम्।
दर्शयामास सुग्रीवो - महापर्वत सन्निभम्।। 64
उत्स्मयित्वा महाबाहुः - प्रेक्ष्य चास्थि महाबलः।
पादांगुष्ठेन चिक्षेप - संपूर्णं दश योजनम्।। 65
बिभेद च पुन स्सालान् - सप्तैकेन महेषुणा।।
गिरिं रसातलं चैव - जनयन् प्रत्ययं तथा ।। 66
ततः प्रीतमना स्तेन - विश्वस्त स्स महाकपिः।
किष्किन्धां राम सहितः - जगाम च गुहां तदा।। 67
ततो गर्ज द्धरिवरः - सुग्रीवो हेम पिङ्गलः।
तेन नादेन महता - निर्जगाम हरीश्वरः।। 68
अनुमान्य तदा तारां - सुग्रीवेण समागतः।
निजघान च तत्रैनं - शरेणैकेन राघवः।। 69
तत स्सुग्रीव वचनात् - हत्वा वालिन माहवे।
सुग्रीवमेव तद्राज्ये - राघवः प्रत्यपादयत् ।। 70
स च सर्वान् समानीय - वानरान् वानरर्षभः।
दिशः प्रस्थापयामास - दिदृक्षु र्जनकात्मजाम्।। 71
ततो गृध्रस्य वचनात् - संपाते र्हनुमान् बली।
शत योजन विस्तीर्णं - पुप्लुवे लवणार्णवम्।। 72
तत्र लङ्कां समासाद्य - पुरीं रावण पालिताम्।
ददर्श सीतां ध्यायन्तीं - अशोक वनिकां गताम्।। 73
निवेदयित्वाभिज्ञानं – प्रवृत्तिं च निवेद्य च।
समाश्वास्य च वैदेहीं - मर्दयामास तोरणम् ।। 74
पंच सेनाग्रगान् हत्वा - सप्त मन्त्रि सुतानपि।
शूरमक्षं च निष्पिष्य - ग्रहणं समुपागमत्।। 75
अस्त्रेणोन्मुक्त मात्मानं - ज्ञात्वा पैतामहा द्वरात्।
मर्षयन् राक्षसान् वीरो - यन्त्रिण स्तान् यदृच्छया।। 76
ततो दग्ध्वा पुरीं लंकां - ऋते सीतां च मैथिलीम्।
रामाय प्रिय माख्यातुं - पुन राया न्महाकपिः।। 77
सोभिगम्य महात्मानं - कृत्वा रामं प्रदक्षिणम्।
न्यवेदय दमेयात्मा - दृष्टा सीतेति तत्त्वतः।। 78
तत स्सुग्रीव सहितः - गत्वा तीरं महोदधेः।
समुद्रं क्षोभयामास - शरै रादित्य सन्निभैः।। 79
दर्शयामास चात्मानं - समुद्र स्सरितां पतिः।
समुद्र वचनाच्चैव - नलं सेतु मकारयत्।। 80
तेन गत्वा पुरीं लंकां - हत्वा रावण माहवे।
राम स्सीता मनुप्राप्य - परां व्रीडा मुपागमत्।। 81
तामुवाच ततो रामः - परुषं जन संसदि।
अमृष्यमाणा सा सीता - विवेश ज्वलनं सती।। 82
ततोग्नि वचनात् सीतां - ज्ञात्वा विगत कल्मषाम्।
कर्मणा तेन महता - त्रैलोक्यं स चराचरम्।। 83
स देवर्षि गणं तुष्टं - राघवस्य महात्मनः।
बभौ राम स्संप्रहृष्टः – पूजितः सर्व दैवतैः।। 84
अभिषिच्य च लंकायां - राक्षसेन्द्रं विभीषणम्।
कृतकृत्य स्तदा रामः - विज्वरः प्रमुमोद ह।। 85
देवताभ्यो वरां प्राप्य - समुत्थाप्य च वानरान्।।
अयोध्यां प्रस्थितो रामः - पुष्पकेण सुहृद्वृतः।। 86
भरद्वाजाश्रमं गत्वा - राम स्सत्य पराक्रमः।
भरतस्यान्तिकं रामः - हनुमन्तं व्यसर्जयत्।। 87
पुन राख्यायिकां जल्पन् - सुग्रीव सहित स्तदा।
पुष्पकं तत् समारूह्य - नंदिग्रामं ययौ तदा।। 88
नन्दिग्रामे जटां हित्वा - भ्रातृभि स्सहितोनघः।
राम स्सीता मनु प्राप्य - राज्यं पुन रवाप्तवान्।। 89
प्रहृष्टो मुदितो लोकः - तुष्टः पुष्ट स्सुधार्मिकः।
निरामयो ह्यरोगश्च - दुर्भिक्ष भय वर्जितः।। 90
न पुत्र मरणं किंचित् - द्रक्ष्यन्ति पुरुषाः क्वचित्।
नार्यश्चाविधवा नित्यं - भविष्यन्ति पति व्रताः।। 91
न चाग्निजं भयं किंचित् - नाप्सु मज्जन्ति जन्तवः।
न वातजं भयं किंचित् - नापि ज्वर कृत न्तथा।। 92
न चापि क्षुद्भयं तत्र - न तस्कर भय न्तथा।
नगराणि च राष्ट्राणि - धन धान्य युतानि च।। 93
नित्यं प्रमुदिता स्सर्वे - यथा कृत युगे तथा।
अश्वमेध शतैरिष्ट्वा - तथा बहु सुवर्णकैः।। 94
गवां कोट्ययुतं दत्त्वा - विद्वद्भ्यो विधि पूर्वकम्।
असंख्येयं धनं दत्त्वा - ब्राह्मणेभ्यो महायशाः।। 95
राज वंशान् शत गुणान् - स्थापयिष्यति राघवः।
चातुर्वर्ण्यञ्च लोकेस्मिन् - स्वे स्वे धर्मे नियोक्ष्यति।। 96
दश वर्ष सहस्राणि - दश वर्ष शतानि च।
रामो राज्यमुपासित्वा - ब्रह्म लोकं प्रयास्यति।। 97
इदं पवित्रं पापघ्नं - पुण्यं वेदैश्च संमितम्।
यः पठे द्राम चरितं - सर्व पापैः प्रमुच्यते।। 98
एत दाख्यान मायुष्यं - पठन् रामायण न्नरः।
स पुत्र पौत्र स्स गणः - प्रेत्य स्वर्गे महीयते।। 99
पठन् द्विजो वागृऋषभत्व मीयात्
स्यात् क्षत्रियो भूमि पतित्वमीयात्।
वणिग्जन पण्य फलत्वमीयात्
जनश्च शूद्रोपि महत्त्व मीयात्।। 100
इत्यार्षे श्रीमद्रामायणे आदि काव्ये, संक्षेपो नाम
प्रथम स्सर्गः।।
रामो राजमणि स्सदा विजयते, रामं रमेशं भजे।
रामेणाभिहता निशाचर चमूः, रामाय तस्मै नमः।
रामान्नास्ति परायणं परतरं, रामस्य दासोस्म्यहं
रामे चित्तलय स्सदा भवतु मे, भो राम मामुद्धर।।
Tapas'svādhyāya Nirataṁ Tapasvī Vāgvidāṁ Varam .
Nāradaṁ Paripapraccha Vālmīki Rmunipuṅgavam .. 1
Kōnvasmin Sāmprataṁ Lōkē Guṇavān Kaśca Vīryavān .
Dharmajñaśca Kr̥Tajñaśca Satyavākyō Dr̥ḍhavrataḥ .. 2
Cāritrēṇa Ca Kō Yukta S'sarvabhūtēṣu Kō Hitaḥ .
Vidvān Kah Ka S'samarthaśca Kaścaika Priyadarśanaḥ.. 3
Ātmavān Kō Jitakrōdhō Dyutimān Kōnasūyakaḥ .
Kasya Bibhyati Dēvāśca Jāta Rōṣasya Sanyugē .. 4
Ētadicchāmyahaṁ Śrōtuṁ Paraṁ Kautūhalaṁ Hi Mē .
Maharṣē Tvaṁ Samarthōsi Jñātu Mēvaṁ Vidhaṁ Naram.. 5
Śrutvā Caitat Trilōkajñō Vālmīkē Rnāradō Vacaḥ .
Śrūyatā Miti Cāmantrya Prahr̥ṣṭō Vākya Mabravīt.. 6
Bahavō Durlabhā Ścaiva Yē Tvayā Kīrtitā Guṇāḥ.
Munē Vakṣyāmyahaṁ Bud'dhvā Tairyukta Śśrūyatāṁ Naraḥ.. 7
Ikṣvāku Vanśa Prabhavō Rāmō Nāma Janai Śśrutaḥ .
Niyatātmā Mahāvīryō Dyutimān Dhr̥Timān Vaśī .. 8
Bud'dhimān Nītimān Vāgmī Śrīmān Śatru Nibar'haṇaḥ.
Vipulānsō Mahābāhuh Kambu Grīvō Mahāhanuḥ.. 9
Mahōraskō Mahēṣvāsō Gūḍha Jatru Rarindamaḥ.
Ājānu Bāhu S'suśirā S'sulalāṭa S'suvikramaḥ .. 10
Sama S'sama Vibhaktāṅga - S'snigdha Varṇah Pratāpavān .
Pīna Vakṣā Viśālākṣō Lakṣmīvān Śubha Lakṣaṇaḥ .. 11
Dharmajña S'satyasandhaśca Prajānāñca Hitē Rataḥ .
Yaśasvī Jñānasampanna Śśuci Rvaśya S'samādhimān .. 12
Prajāpati Sama Śśrīmān Dhātā Ripu Niṣūdanaḥ.
Rakṣitā Jīvalōkasya Dharmasya Pari Rakṣitā.. 13
Rakṣitā Svasya Dharmasya Svajanasya Ca Rakṣitā.
Vēda Vēdāṅga Tattvajñō Dhanurvēdē Ca Niṣṭhitaḥ.. 14
Sarva Śāstrārtha Tattvajña - S'smr̥Timān Pratibhānavān .
Sarvalōka Priya S'sādhu – Radīnātmā Vicakṣaṇaḥ .. 15
Sarvadābhigata S'sadbhi - S'samudra Iva Sindhubhiḥ.
Ārya S'sarvasamaścaiva Sadaiva Priya Darśanaḥ .. 16
Sa Ca Sarva Guṇōpētah Kausalyānanda Vardhanaḥ.
Samudra Iva Gāmbhīryē Dhairyēṇa Himavā Niva .. 17
Viṣṇunā Sadr̥Śō Vīryē Sōmavat Priya Darśanaḥ.
Kālāgni Sadr̥Śah Krōdhē Kṣamayā Pr̥Thvī Samaḥ .. 18
Dhanadēna Sama Styāgē Satyē Dharma Ivāparaḥ .
Tamēvaṁ Guṇa Sampannaṁ Rāmaṁ Satya Parākramam .. 19
Jyēṣṭhaṁ Śrēṣṭha Guṇairyuktaṁ Priyaṁ Daśaratha S'sutam.
Prakr̥Tīnāṁ Hitairyuktaṁ Prakr̥Ti Priya Kāmyayā .. 20
Yauva Rājyēna Sanyōktu - Maicchat Prītyā Mahīpatiḥ .
Tasyābhiṣēka Sambhārān Dr̥ṣṭvā Bhāryātha Kaikayī .. 21
Pūrvaṁ Dattavarā Dēvī Varamēna Mayācata.
Vivāsanañca Rāmasya Bharatasyābhiṣēcanam .. 22
Sa Satya Vacanāccaiva Dharma Pāśēna Sanyataḥ.
Vivāsayāmāsa Sutaṁ Rāmaṁ Daśarathah Priyam .. 23
Sa Jagāma Vanaṁ Vīrah Pratijñā Manupālayan .
Piturvacana Nirdēśāt Kaikēyyāh Priya Kāraṇāt .. 24
Taṁ Vrajantaṁ Priyō Bhrātā Lakṣmaṇō Nujagāma Ha.
Snēhā Dvinaya Sampanna S'sumitrānanda Vardhanaḥ .. 25
Bhrātaraṁ Dayitō Bhrātu S'saubhrātra Manu Darśayan.
Rāmasya Dayitā Bhāryā Nityaṁ Prāṇa Samāhitā .. 26
Janakasya Kulē Jātā Dēva Māyēva Nirmitā.
Sarva Lakṣaṇa Sampannā Nārīṇā Muttamā Vadhūḥ .. 27
Sītāpyanugatā Rāmaṁ Śaśinaṁ Rōhiṇī Yathā .
Paurai Ranugatō Dūraṁ Pitrā Daśarathēna Ca .. 28
Śr̥ṅgibēra Purē Sūtaṁ Gaṅgā Kūlē Vyasarjayat .
Guha Māsādya Dharmātmā Niṣādādhipatiṁ Priyam .. 29
Guhēna Sahitō Rāmō Lakṣmaṇēna Ca Sītayā.
Tē Vanēna Vanaṁ Gatvā Nadī Stīrtvā Bahūdakāḥ .. 30
Citrakūṭa Manuprāpya Bharadvājasya Śāsanāt .
Ramya Māvasathaṁ Kr̥Tvā Ramamāṇā Vanē Trayaḥ .. 31
Dēva Gandharva Saṅkāśā Statra Tē N'yavasan Sukham .
Citrakūṭaṁ Gatē Rāmē Putra Śōkātura Stathā .. 32
Rājā Daśaratha S'svargaṁ Jagāma Vilapan Sutam .
Gatē Tu Tasmin Bharatō Vasiṣṭha Pramukhai Rdvijaiḥ .. 33
Niyujyamānō Rājyāya Naiccha Drājyaṁ Mahābalaḥ.
Sa Jagāma Vanaṁ Vīrō Rāma Pāda Prasādataḥ.. 34
Gatvā Tu Sa Mahātmānaṁ Rāmaṁ Satya Parākramam..
Ayāca Dbhrātaraṁ Rāma - Mārya Bhāva Puraskr̥Taḥ .. 35
Tvamēva Rājā Dharmajña Iti Rāmaṁ Vacōbravīt .
Rāmōpi Paramōdāra S'sumukha S'sumahāyaśāḥ .. 36
Na Caicchat Pitu Rādēśā - Drājyaṁ Rāmō Mahābalaḥ.
Pādukē Cāsya Rājyāya N'yāsaṁ Dattvā Punah Punaḥ .. 37
Nivartayāmāsa Tatō Bharataṁ Bharatāgrajaḥ.
Sa Kāma Manavāpyaiva Rāma Pādā Vupaspr̥Śan .. 38
Nandi Grāmē Akarōt Rājyaṁ Rāmāgamana Kāṅkṣayā .
Gatē Tu Bharatē Śrīmān Satya Sandhō Jitēndriyaḥ .. 39
Rāmastu Puna Rālakṣya Nagarasya Janasya Ca.
Tatra Āgamana Mēkāgrō Daṇḍakān Pravivēśa Ha .. 40
Praviśya Tu Mahāraṇyaṁ Rāmō Rājīva Lōcanaḥ .
Virādhaṁ Rākṣasaṁ Hatvā Śarabhaṅgaṁ Dadarśa Ha .. 41
Sutīkṣṇañcāpyagastyañca - Agastya Bhrātaraṁ Tathā.
Agastya Vacanāccaiva Jagrāhaindraṁ Śarāsanam .. 42
Khaḍgañca Ca Parama Prīta - Stūṇī Cākṣaya Sāyakau.
Vasata Stasya Rāmasya Vanē Vanacarai S'saha .. 43
R̥ṣayō Bhyāgaman Sarvē Vadhāyāsura Rakṣasām.
Sa Tēṣāṁ Prati Śuśrāva Rākṣasānāṁ Tathā Vanē .. 44
Pratijñātaśca Ca Rāmēṇa Vadha S'sanyati Rakṣasām .
R̥ṣīṇā Magni Kalpānāṁ Daṇḍakāraṇya Vāsinām .. 45
Tēna Tatraiva Vasatā Jana Sthāna Nivāsinī .
Virūpitā Śūrpaṇakhā Rākṣasī Kāma Rūpiṇī .. 46
Tata Śśūrpaṇakhā Vākyā - Dudyuktān Sarva Rākṣasān.
Kharaṁ Triśirasañcaiva Dūṣaṇa Ñcaiva Rākṣasam .. 47
Nijaghāna Raṇē Rāma Stēṣā Ñcaiva Padānugān .
Vanē Tasmin Nivasatā Janasthāna Nivāsinām .. 48
Rakṣasāṁ Nihatān'yāsan Sahasrāṇi Caturdaśa .
Tatō Jñāti Vadhaṁ Śrutvā Rāvaṇah Krōdha Mūrchitaḥ .. 49
Sahāyaṁ Varayāmāsa Mārīcaṁ Nāma Rākṣasam.
Vāryamāṇa S'subahuśō Mārīcēna Sa Rāvaṇaḥ .. 50
Na Virōdhō Balavatā Kṣamō Rāvaṇa Tēna Tē .
Anādr̥Tya Tu Tadvākyaṁ Rāvaṇah Kāla Cōditaḥ .. 51
Jagāma Saha Mārīca Stasyāśrama Padaṁ Tadā.
Tēna Māyāvinā Dūra Mapavāhya Nr̥Pātmajau .. 52
Jahāra Bhāryāṁ Rāmasya Gr̥Dhraṁ Hatvā Jaṭāyuṣam ..
Gr̥Dhrañca Nihataṁ Dr̥ṣṭvā Hr̥Tāṁ Śrutvā Ca Maithilīm .. 53
Rāghava Śśōka Santaptō Vilalāpākulēndriyaḥ.
Tata Stēnaiva Śōkēna Gr̥Dhraṁ Dagdhvā Jaṭāyuṣam .. 54
Mārgamāṇō Vanē Sītāṁ Rākṣasaṁ Sandadarśa Ha.
Kabandhaṁ Nāma Rūpēṇa Vikr̥Taṁ Ghōra Darśanam .. 55
Ta Nnihatya Mahābāhu - Rdadaha Svargataśca Saḥ.
Sa Cāsya Kathayāmāsa Śabarīṁ Dharma Cāriṇīm .. 56
Śramaṇīm Dharma Nipuṇā – Mabhigacchēti Rāghavam .
Sōbhyagaccha Nmahātējā - Śśabarīṁ Śatru Sūdanaḥ .. 57
Śabaryā Pūjita S'samya - Grāmō Daśarathātmajaḥ .
Pampā Tīrē Hanumatā Saṅgatō Vānarēṇa Ha .. 58
Hanuma Dvacanā Ccaiva Sugrīvēṇa Samāgataḥ.
Sugrīvāya Ca Tat Sarvaṁ Śansadrāmō Mahābalaḥ .. 59
Ādita Stadyathā Vr̥Ttaṁ Sītāyāśca Viśēṣataḥ.
Sugrīva Ścāpi Tatsarvaṁ Śrutvā Rāmasya Vānaraḥ .. 60
Cakāra Sakhyaṁ Rāmēṇa Prītaścaivāgna Sākṣikam ..
Tatō Vānara Rājēna Vairānukathanaṁ Prati .. 61
Rāmāyāvēditaṁ Sarvaṁ Praṇayā Dduhkhitēna Ca.
Pratijñātañca Rāmēṇa Tadā Vāli Vadhaṁ Prati .. 62
Vālinaśca Balaṁ Tatra Kathayāmāsa Vānaraḥ..
Sugrīva Śśaṅkita Ścāsī - Nnityaṁ Vīryēṇa Rāghavē .. 63
Rāghavah Pratyayārthantu Dundubhēh Kāya Muttamam.
Darśayāmāsa Sugrīvō Mahāparvata Sannibham .. 64
Utsmayitvā Mahābāhuh Prēkṣya Cāsthi Mahābalaḥ .
Pādāṅguṣṭhēna Cikṣēpa Sampūrṇaṁ Daśa Yōjanam .. 65
Bibhēda Ca Puna S'sālān Saptaikēna Mahēṣuṇā..
Giriṁ Rasātalañcai Janayan Pratyayaṁ Tathā .. 66
Tatah Prītamanā Stēna Viśvasta S'sa Mahākapiḥ.
Kiṣkindhāṁ Rāma Sahitō Jagāma Ca Guhāṁ Tadā .. 67
Tatō Garja D'dharivara S'sugrīvō Hēma Piṅgalaḥ.
Tēna Nādēna Mahatā Nirjagāma Harīśvaraḥ .. 68
Anumān'ya Tadā Tārāṁ Sugrīvēṇa Samāgataḥ.
Nijaghāna Ca Tatrainaṁ Śarēṇaikēna Rāghavaḥ .. 69
Tata S'sugrīva Vacanā D'dhatvā Vālina Māhavē.
Sugrīvamēva Tadrājyē Rāghavah Pratyapādayat .. 70
Sa Ca Sarvān Samānīya Vānarān Vānararṣabhaḥ.
Diśah Prasthāpayāmāsa Didr̥Kṣu Rjanakātmajām .. 71
Tatō Gr̥Dhrasya Vacanāt Sampātē R'hanumān Balī .
Śata Yōjana Vistīrṇaṁ Pupluvē Lavaṇārṇavam .. 72
Tatra Laṅkāṁ Samāsādya Purīṁ Rāvaṇa Pālitām.
Dadarśa Sītāṁ Dhyāyantī Maśōka Vanikāṁ Gatām .. 73
Nivēdayitvābhijñānaṁ Pravr̥Ttiñca Nivēdya Ca.
Samāśvāsya Ca Vaidēhīṁ Mardayāmāsa Tōraṇam .. 74
Pan̄Ca Sēnāgragān Hatvā Sapta Mantri Sutānapi .
Śūramakṣañca Niṣpiṣya Grahaṇaṁ Samupāgamat .. 75
Astrēṇōnmukta Mātmānaṁ Jñātvā Paitāmahā Dvārāt .
Marṣayan Rākṣasān Vīrō Yantriṇa Stān Yadr̥Cchayā .. 76
Tatō Dagdhvā Purīṁ Laṅkā - Mr̥Tē Sītāñca Maithilīm.
Rāmāya Priya Mākhyātuṁ Puna Rāyā Nmahākapiḥ .. 77
Sōbhigamya Mahātmānaṁ Kr̥Tvā Rāmaṁ Pradakṣiṇam.
N'yavēdaya Damēyātmā Dr̥ṣṭā Sītēti Tattvataḥ .. 78
Tata S'sugrīva Sahitō Gatvā Tīraṁ Mahōdadhēḥ.
Samudraṁ Kṣōbhayāmāsa Śarai Rāditya Sannibhaiḥ .. 79
Darśayāmāsa Cātmānaṁ Samudra S'saritāṁ Patiḥ.
Samudra Vacanāccaiva Nalaṁ Sētu Makārayat .. 80
Tēna Gatvā Purīṁ Laṅkāṁ Hatvā Rāvaṇa Māhavē.
Rāma S'sītā Manuprāpya Parāṁ Vrīḍā Mupāgamat .. 81
Tāmuvāca Tatō Rāmah Paruṣaṁ Jana Sansadi .
Amr̥ṣyamāṇā Sā Sītā Vivēśa Jvalanaṁ Satī .. 82
Tatōgni Vacanāt Sītāṁ Jñātvā Vigata Kalmaṣām.
Karmaṇā Tēna Mahatā Trailōkyaṁ Sa Carācaram .. 83
Sa Dēvarṣi Gaṇaṁ Tuṣṭaṁ Rāghavasya Mahātmanaḥ.
Babhau Rāma S'samprahr̥ṣṭa Hpūjita Hsarva Dēvataiḥ .. 84
Abhiṣicya Ca Laṅkāyām Rākṣasēndraṁ Vibhīṣaṇam.
Kr̥Takr̥Tya Stadā Rāmō Vijvarah Pramumōda Ha .. 85
Dēvatābhyō Varāṁ Prāpya Samut'thāpya Ca Vānarān..
Ayōdhyāṁ Prasthitō Rāmah Puṣpakēṇa Suhr̥Dvr̥Taḥ .. 86
Bharadvājāśramaṁ Gatvā Rāma S'satya Parākramaḥ.
Bharatasyāntikaṁ Rāmō Hanumantaṁ Vyasarjayat .. 87
Puna Rākhyāyikāṁ Jalpan Sugrīva Sahita Stadā.
Puṣpakaṁ Tat Samārūhya Nandigrāmaṁ Yayau Tadā .. 88
Nandigrāmē Jaṭāṁ Hitvā Bhrātr̥Bhi S'sahitōnaghaḥ.
Rāma S'sītā Manu Prāpya Rājyaṁ Puna Ravāptavān .. 89
Prahr̥ṣṭō Muditō Lōka Stuṣṭah Puṣṭa S'sudhārmikaḥ.
Nirāmayō Hyarōgaśca Durbhikṣa Bhaya Varjitaḥ .. 90
Na Putra Maraṇaṁ Kiñci - Ddrakṣyanti Puruṣāh Kvacit.
Nāryaścāvidhavā Nityaṁ Bhaviṣyanti Pati Vratāḥ.. 91
Na Cāgnijaṁ Bhayaṁ Kiñci - Nnāpsu Majjanti Jantavaḥ.
Na Vātajaṁ Bhayaṁ Kiñci Nnāpi Jvara Kr̥Tantathā .. 92
Na Cāpi Kṣudbhayaṁ Tatra Na Taskara Bhaya Ntathā.
Nagarāṇi Ca Rāṣṭrāṇi Dhana Dhān'ya Yutāni Ca .. 93
Nityaṁ Pramuditā S'sarvē Yathā Kr̥Ta Yugē Tathā.
Aśvamēdha Śatairiṣṭvā Tathā Bahu Suvarṇakaiḥ .. 94
Gavāṁ Kōṭyayutaṁ Dattvā Vidvadbhyō Vidhi Pūrvakam.
Asaṅkhyēyaṁ Dhanaṁ Dattvā Brāhmaṇēbhyō Mahāyaśāḥ .. 95
Rāja Vanśān Śata Guṇān Sthāpayiṣyati Rāghavaḥ.
Cāturvarṇyañca Lōkēsmin Svē Svē Dharmē Niyōkṣyati .. 96
Daśa Varṣa Sahasrāṇi Daśa Varṣa Śatāni Ca .
Rāmō Rājyamupāsitvā Brahma Lōkaṁ Prayāsyati .. 97
Idaṁ Pavitraṁ Pāpaghnaṁ Puṇyaṁ Vēdaiśca Sammitam.
Yah Paṭhē Drāma Caritaṁ Sarva Pāpaih Pramucyatē .. 98
Ēta Dākhyāna Māyuṣyaṁ Paṭhan Rāmāyaṇa Nnaraḥ.
Sa Putra Pautra S'sa Gaṇah Prētya Svargē Mahīyatē .. 99
Paṭhan Dvijō Vāgr̥'R̥ṣabhatva Mīyāt
Syāt Kṣatriyō Bhūmi Patitvamīyāt.
Vaṇigjanah Paṇya Phalatvamīyā – Jjanaśca Śūdrōpi MahattvaMīyāt .. 100
Ityārṣē Śrīmadrāmāyaṇē Ādi Kāvyē, Saṅkṣēpō Nāma Prathama S'sargaḥ..
Rāmō Rājamaṇi S'sadā Vijayatē Rāmaṁ Ramēśaṁ Bhajē.
Rāmēṇābhihatā Niśācara Camū Rāmāya Tasmai Namaḥ.
Rāmānnāsti Parāyaṇaṁ Parataraṁ Rāmasya Dāsōsmyahaṁ
Rāmē Cittalaya S'sadā Bhavatu Mē Bhō Rāma Māmud'dhara..
ತಪಸ್ಸ್ವಾಧ್ಯಾಯ ನಿರತಂ - ತಪಸ್ವೀ ವಾಗ್ವಿದಾಂ ವರಮ್ ।
ನಾರದಂ ಪರಿಪಪ್ರಚ್ಛ - ವಾಲ್ಮೀಕಿರ್ ಮುನಿಪುಂಗವಮ್ ।। 1
ಕೋನ್ವಸ್ಮಿನ್ ಸಾಂಪ್ರತಂ ಲೋಕೇ - ಗುಣವಾನ್ ಕಶ್ಚ ವೀರ್ಯವಾನ್ ।
ಧರ್ಮಜ್ಞಶ್ಚ ಕೃತಜ್ಞಶ್ಚ - ಸತ್ಯವಾಕ್ಯೋ ದೃಢವ್ರತಃ ।। 2
ಚಾರಿತ್ರೇಣ ಚ ಕೋ ಯುಕ್ತಃ - ಸರ್ವ ಭೂತೇಷು ಕೋ ಹಿತಃ ।
ವಿದ್ವಾನ್ ಕಃ ಕ ಸ್ಸಮರ್ಥಶ್ಚ - ಕಶ್ಚೈಕ ಪ್ರಿಯದರ್ಶನಃ।। 3
ಆತ್ಮವಾನ್ ಕೋ ಜಿತಕ್ರೋಧೋ - ದ್ಯುತಿಮಾನ್ ಕೋನಸೂಯಕಃ ।
ಕಸ್ಯ ಬಿಭ್ಯತಿ ದೇವಾಶ್ಚ - ಜಾತ ರೋಷಸ್ಯ ಸಂಯುಗೇ ।। 4
ಏತ ದಿಚ್ಛಾಮ್ಯಹಂ ಶ್ರೋತುಂ - ಪರಂ ಕೌತೂಹಲಂ ಹಿ ಮೇ ।
ಮಹರ್ಷೇ ತ್ವಂ ಸಮರ್ಥೋಸಿ - ಜ್ಞಾತು ಮೇವಂ ವಿಧಂ ನರಮ್।। 5
ಶ್ರುತ್ವಾ ಚೈತತ್ ತ್ರಿಲೋಕಜ್ಞೋ - ವಾಲ್ಮೀಕೇ ರ್ನಾರದೋ ವಚಃ ।
ಶ್ರೂಯತಾ ಮಿತಿ ಚಾಮನ್ತ್ರ್ಯ - ಪ್ರಹೃಷ್ಟೋ ವಾಕ್ಯ ಮಬ್ರವೀತ್।।6
ಬಹವೋ ದುರ್ಲಭಾ ಶ್ಚೈವ - ಯೇ ತ್ವಯಾ ಕೀರ್ತಿತಾ ಗುಣಾಃ।
ಮುನೇ ವಕ್ಷ್ಯಾಮ್ಯಹಂ ಬುದ್ಧ್ವಾ - ತೈರ್ಯುಕ್ತ ಶ್ಶ್ರೂಯತಾಂ ನರಃ।।7
ಇಕ್ಷ್ವಾಕು ವಂಶ ಪ್ರಭವಃ - ರಾಮೋ ನಾಮ ಜನೈ ಶ್ಶ್ರುತಃ ।
ನಿಯತಾತ್ಮಾ ಮಹಾವೀರ್ಯಃ - ದ್ಯುತಿಮಾನ್ ಧೃತಿಮಾನ್ ವಶೀ ।। 8
ಬುದ್ಧಿಮಾನ್ ನೀತಿಮಾನ್ ವಾಗ್ಮೀ - ಶ್ರೀಮಾನ್ ಶತ್ರು ನಿಬರ್ಹಣಃ।
ವಿಪುಲಾಂಸೋ ಮಹಾಬಾಹುಃ - ಕಂಬು ಗ್ರೀವೋ ಮಹಾಹನುಃ।। 9
ಮಹೋರಸ್ಕೋ ಮಹೇಷ್ವಾಸಃ - ಗೂಢ ಜತ್ರು ರರಿನ್ದಮಃ।
ಆಜಾನು ಬಾಹು ಸ್ಸುಶಿರಾಃ - ಸುಲಲಾಟ ಸ್ಸುವಿಕ್ರಮಃ ।। 10
ಸಮ ಸ್ಸಮ ವಿಭಕ್ತಾಂಗಃ - ಸ್ನಿಗ್ಧ ವರ್ಣಃ ಪ್ರತಾಪವಾನ್ ।
ಪೀನ ವಕ್ಷಾ ವಿಶಾಲಾಕ್ಷಃ - ಲಕ್ಷ್ಮೀವಾನ್ ಶುಭ ಲಕ್ಷಣಃ ।। 11
ಧರ್ಮಜ್ಞ ಸ್ಸತ್ಯಸನ್ಧಶ್ಚ - ಪ್ರಜಾನಾಂ ಚ ಹಿತೇ ರತಃ ।
ಯಶಸ್ವೀ ಜ್ಞಾನಸಂಪನ್ನಃ - ಶುಚಿ ರ್ವಶ್ಯ ಸ್ಸಮಾಧಿಮಾನ್ ।। 12
ಪ್ರಜಾಪತಿ ಸಮ ಶ್ಶ್ರೀಮಾನ್ - ಧಾತಾ ರಿಪು ನಿಷೂದನಃ।
ರಕ್ಷಿತಾ ಜೀವಲೋಕಸ್ಯ - ಧರ್ಮಸ್ಯ ಪರಿ ರಕ್ಷಿತಾ।। 13
ರಕ್ಷಿತಾ ಸ್ವಸ್ಯ ಧರ್ಮಸ್ಯ - ಸ್ವಜನಸ್ಯ ಚ ರಕ್ಷಿತಾ।
ವೇದ ವೇದಾಂಗ ತತ್ತ್ವಜ್ಞಃ - ಧನುರ್ವೇದೇ ಚ ನಿಷ್ಠಿತಃ।। 14
ಸರ್ವ ಶಾಸ್ತ್ರಾರ್ಥ ತತ್ತ್ವಜ್ಞಃ - ಸ್ಮೃತಿಮಾನ್ ಪ್ರತಿಭಾನವಾನ್ ।
ಸರ್ವಲೋಕ ಪ್ರಿಯ ಸ್ಸಾಧುಃ - ಅದೀನಾತ್ಮಾ ವಿಚಕ್ಷಣಃ ।। 15
ಸರ್ವದಾಭಿಗತ ಸ್ಸದ್ಭಿಃ - ಸಮುದ್ರ ಇವ ಸಿನ್ಧುಭಿಃ।
ಆರ್ಯ ಸ್ಸರ್ವಸಮಶ್ಚೈವ - ಸದೈವ ಪ್ರಿಯ ದರ್ಶನಃ ।। 16
ಸ ಚ ಸರ್ವ ಗುಣೋಪೇತಃ - ಕೌಸಲ್ಯಾನನ್ದ ವರ್ಧನಃ।
ಸಮುದ್ರ ಇವ ಗಾಮ್ಭೀರ್ಯೇ - ಧೈರ್ಯೇಣ ಹಿಮವಾ ನಿವ ।। 17
ವಿಷ್ಣುನಾ ಸದೃಶೋ ವೀರ್ಯೇ - ಸೋಮವತ್ ಪ್ರಿಯ ದರ್ಶನಃ।
ಕಾಲಾಗ್ನಿ ಸದೃಶಃ ಕ್ರೋಧೇ - ಕ್ಷಮಯಾ ಪೃಥ್ವೀ ಸಮಃ ।। 18
ಧನದೇನ ಸಮ ಸ್ತ್ಯಾಗೇ - ಸತ್ಯೇ ಧರ್ಮ ಇವಾಪರಃ ।
ತಮೇವಂ ಗುಣ ಸಂಪನ್ನಂ - ರಾಮಂ ಸತ್ಯ ಪರಾಕ್ರಮಮ್ ।।19
ಜ್ಯೇಷ್ಠಂ ಶ್ರೇಷ್ಠ ಗುಣೈರ್ಯುಕ್ತಂ - ಪ್ರಿಯಂ ದಶರಥ ಸ್ಸುತಮ್।
ಪ್ರಕೃತೀನಾಂ ಹಿತೈರ್ಯುಕ್ತಂ - ಪ್ರಕೃತಿ ಪ್ರಿಯ ಕಾಮ್ಯಯಾ ।। 20
ಯೌವ ರಾಜ್ಯೇನ ಸಂಯೋಕ್ತುಂ - ಐಚ್ಛತ್ ಪ್ರೀತ್ಯಾ ಮಹೀಪತಿಃ ।
ತಸ್ಯಾಭಿಷೇಕ ಸಂಭಾರಾನ್ - ದೃಷ್ಟ್ವಾ ಭಾರ್ಯಾಥ ಕೈಕಯೀ ।। 21
ಪೂರ್ವಂ ದತ್ತವರಾ ದೇವೀ - ವರಮೇನ ಮಯಾಚತ।
ವಿವಾಸನಞ್ಚ ರಾಮಸ್ಯ - ಭರತಸ್ಯಾಭಿಷೇಚನಮ್ ।। 22
ಸ ಸತ್ಯ ವಚನಾಚ್ಚೈವ - ಧರ್ಮ ಪಾಶೇನ ಸಂಯತಃ।
ವಿವಾಸಯಾಮಾಸ ಸುತಂ - ರಾಮಂ ದಶರಥಃ ಪ್ರಿಯಮ್ ।। 23
ಸ ಜಗಾಮ ವನಂ ವೀರಃ - ಪ್ರತಿಜ್ಞಾ ಮನುಪಾಲಯನ್ ।
ಪಿತುರ್ವಚನ ನಿರ್ದೇಶಾತ್ - ಕೈಕೇಯ್ಯಾ ಪ್ರಿಯ ಕಾರಣಾತ್ ।। 24
ತಂ ವ್ರಜನ್ತಂ ಪ್ರಿಯೋ ಭ್ರಾತಾ - ಲಕ್ಷ್ಮಣೋ ನುಜಗಾಮ ಹ।
ಸ್ನೇಹಾ ದ್ವಿನಯ ಸಂಪನ್ನಃ - ಸುಮಿತ್ರಾನನ್ದ ವರ್ಧನಃ ।। 25
ಭ್ರಾತರಂ ದಯಿತೋ ಭ್ರಾತುಃ – ಸೌಭ್ರಾತ್ರ ಮನು ದರ್ಶಯನ್।
ರಾಮಸ್ಯ ದಯಿತಾ ಭಾರ್ಯಾ - ನಿತ್ಯಂ ಪ್ರಾಣ ಸಮಾಹಿತಾ ।। 26
ಜನಕಸ್ಯ ಕುಲೇ ಜಾತಾ - ದೇವ ಮಾಯೇವ ನಿರ್ಮಿತಾ।
ಸರ್ವ ಲಕ್ಷಣ ಸಂಪನ್ನಾ - ನಾರೀಣಾ ಮುತ್ತಮಾ ವಧೂಃ ।। 27
ಸೀತಾಪ್ಯನುಗತಾ ರಾಮಂ - ಶಶಿನಂ ರೋಹಿಣೀ ಯಥಾ ।
ಪೌರೈ ರನುಗತೋ ದೂರಂ - ಪಿತ್ರಾ ದಶರಥೇನ ಚ ।। 28
ಶೃಂಗಿಬೇರ ಪುರೇ ಸೂತಂ - ಗಂಗಾ ಕೂಲೇ ವ್ಯಸರ್ಜಯತ್ ।
ಗುಹ ಮಾಸಾದ್ಯ ಧರ್ಮಾತ್ಮಾ - ನಿಷಾದಾಧಿಪತಿಂ ಪ್ರಿಯಮ್ ।।29
ಗುಹೇನ ಸಹಿತೋ ರಾಮಃ - ಲಕ್ಷ್ಮಣೇನ ಚ ಸೀತಯಾ।
ತೇ ವನೇನ ವನಂ ಗತ್ವಾ - ನದೀ ಸ್ತೀರ್ತ್ವಾ ಬಹೂದಕಾಃ ।। 30
ಚಿತ್ರಕೂಟ ಮನುಪ್ರಾಪ್ಯ - ಭರದ್ವಾಜಸ್ಯ ಶಾಸನಾತ್ ।
ರಮ್ಯ ಮಾವಸಥಂ ಕೃತ್ವಾ - ರಮಮಾಣಾ ವನೇ ತ್ರಯಃ ।। 31
ದೇವ ಗನ್ಧರ್ವ ಸಂಕಾಶಾಃ - ತತ್ರ ತೇ ನ್ಯವಸನ್ ಸುಖಮ್ ।
ಚಿತ್ರಕೂಟಂ ಗತೇ ರಾಮೇ - ಪುತ್ರ ಶೋಕಾತುರ ಸ್ತಥಾ ।। 32
ರಾಜಾ ದಶರಥ ಸ್ಸ್ವರ್ಗಂ - ಜಗಾಮ ವಿಲಪನ್ ಸುತಮ್ ।
ಗತೇ ತು ತಸ್ಮಿನ್ ಭರತಃ - ವಸಿಷ್ಠ ಪ್ರಮುಖೈ ರ್ದ್ವಿಜೈಃ ।। 33
ನಿಯುಜ್ಯಮಾನೋ ರಾಜ್ಯಾಯ - ನೈಚ್ಛ ದ್ರಾಜ್ಯಂ ಮಹಾಬಲಃ।
ಸ ಜಗಾಮ ವನಂ ವೀರಃ - ರಾಮ ಪಾದ ಪ್ರಸಾದತಃ।। 34
ಗತ್ವಾ ತು ಸ ಮಹಾತ್ಮಾನಂ - ರಾಮಂ ಸತ್ಯ ಪರಾಕ್ರಮಮ್।।
ಅಯಾಚ ದ್ಭ್ರಾತರಂ ರಾಮಂ - ಆರ್ಯ ಭಾವ ಪುರಸ್ಕೃತಃ ।। 35
ತ್ವಮೇವ ರಾಜಾ ಧರ್ಮಜ್ಞಃ - ಇತಿ ರಾಮಂ ವಚೋಬ್ರವೀತ್ ।
ರಾಮೋಪಿ ಪರಮೋದಾರಃ - ಸುಮುಖ ಸ್ಸುಮಹಾಯಶಾಃ ।। 36
ನ ಚೈಚ್ಛತ್ ಪಿತು ರಾದೇಶಾತ್ - ರಾಜ್ಯಂ ರಾಮೋ ಮಹಾಬಲಃ।
ಪಾದುಕೇ ಚಾಸ್ಯ ರಾಜ್ಯಾಯ - ನ್ಯಾಸಂ ದತ್ತ್ವಾ ಪುನಃ ಪುನಃ।।37
ನಿವರ್ತಯಾಮಾಸ ತತಃ - ಭರತಂ ಭರತಾಗ್ರಜಃ।
ಸ ಕಾಮ ಮನವಾಪ್ಯೈವ - ರಾಮ ಪಾದಾ ವುಪಸ್ಪೃಶನ್ ।। 38
ನನ್ದಿ ಗ್ರಾಮೇಕರೋತ್ ರಾಜ್ಯಂ - ರಾಮಾಗಮನ ಕಾಂಕ್ಷಯಾ ।
ಗತೇ ತು ಭರತೇ ಶ್ರೀಮಾನ್ - ಸತ್ಯ ಸನ್ಧೋ ಜಿತೇನ್ದ್ರಿಯಃ ।। 39
ರಾಮಸ್ತು ಪುನ ರಾಲಕ್ಷ್ಯ - ನಗರಸ್ಯ ಜನಸ್ಯ ಚ।
ತತ್ರ ಆಗಮನ ಮೇಕಾಗ್ರಃ - ದಣ್ಡಕಾನ್ ಪ್ರವಿವೇಶ ಹ ।। 40
ಪ್ರವಿಶ್ಯ ತು ಮಹಾರಣ್ಯಂ - ರಾಮೋ ರಾಜೀವ ಲೋಚನಃ ।
ವಿರಾಧಂ ರಾಕ್ಷಸಂ ಹತ್ವಾ - ಶರಭಂಗಂ ದದರ್ಶ ಹ ।। 41
ಸುತೀಕ್ಷ್ಣಂ ಚಾಪ್ಯಗಸ್ತ್ಯಂ ಚ - ಅಗಸ್ತ್ಯ ಭ್ರಾತರಂ ತಥಾ।
ಅಗಸ್ತ್ಯ ವಚನಾಚ್ಚೈವ - ಜಗ್ರಾಹೈನ್ದ್ರಂ ಶರಾಸನಮ್ ।। 42
ಖಡ್ಗಂ ಚ ಪರಮ ಪ್ರೀತಃ - ತೂಣೀ ಚಾಕ್ಷಯ ಸಾಯಕೌ।
ವಸತ ಸ್ತಸ್ಯ ರಾಮಸ್ಯ - ವನೇ ವನಚರೈ ಸ್ಸಹ ।। 43
ಋಷಯೋ ಭ್ಯಾಗಮನ್ ಸರ್ವೇ - ವಧಾಯಾಸುರ ರಕ್ಷಸಾಮ್।
ಸ ತೇಷಾಂ ಪ್ರತಿ ಶುಶ್ರಾವ - ರಾಕ್ಷಸಾನಾಂ ತಥಾ ವನೇ ।। 44
ಪ್ರತಿಜ್ಞಾತಶ್ಚ ಚ ರಾಮೇಣ - ವಧ ಸ್ಸಂಯತಿ ರಕ್ಷಸಾಮ್ ।
ಋಷೀಣಾ ಮಗ್ನಿ ಕಲ್ಪಾನಾಂ - ದಂಡಕಾರಣ್ಯ ವಾಸಿನಾಮ್ ।। 45
ತೇನ ತತ್ರೈವ ವಸತಾ - ಜನ ಸ್ಥಾನ ನಿವಾಸಿನೀ ।
ವಿರೂಪಿತಾ ಶೂರ್ಪಣಖಾ - ರಾಕ್ಷಸೀ ಕಾಮ ರೂಪಿಣೀ ।। 46
ತತ ಶ್ಶೂರ್ಪಣಖಾ ವಾಕ್ಯಾತ್ - ಉದ್ಯುಕ್ತಾನ್ ಸರ್ವ ರಾಕ್ಷಸಾನ್।
ಖರಂ ತ್ರಿಶಿರಸಂ ಚೈವ – ದೂಷಣಂ ಚೈವ ರಾಕ್ಷಸಮ್ ।। 47
ನಿಜಘಾನ ರಣೇ ರಾಮಃ – ತೇಷಾಂ ಚೈವ ಪದಾನುಗಾನ್ ।
ವನೇ ತಸ್ಮಿನ್ ನಿವಸತಾ - ಜನಸ್ಥಾನ ನಿವಾಸಿನಾಮ್ ।। 48
ರಕ್ಷಸಾಂ ನಿಹತಾನ್ಯಾಸನ್ - ಸಹಸ್ರಾಣಿ ಚತುರ್ದಶ ।
ತತೋ ಜ್ಞಾತಿ ವಧಂ ಶ್ರುತ್ವಾ - ರಾವಣಃ ಕ್ರೋಧ ಮೂರ್ಛಿತಃ ।। 49
ಸಹಾಯಂ ವರಯಾಮಾಸ - ಮಾರೀಚಂ ನಾಮ ರಾಕ್ಷಸಮ್।
ವಾರ್ಯಮಾಣ ಸ್ಸುಬಹುಶಃ - ಮಾರೀಚೇನ ಸ ರಾವಣಃ ।। 50
ನ ವಿರೋಧೋ ಬಲವತಾ - ಕ್ಷಮೋ ರಾವಣ ತೇನ ತೇ ।
ಅನಾದೃತ್ಯ ತು ತದ್ವಾಕ್ಯಂ - ರಾವಣಃ ಕಾಲ ಚೋದಿತಃ ।। 51
ಜಗಾಮ ಸಹ ಮಾರೀಚಃ - ತಸ್ಯಾಶ್ರಮ ಪದಂ ತದಾ।
ತೇನ ಮಾಯಾವಿನಾ ದೂರಂ - ಅಪವಾಹ್ಯ ನೃಪಾತ್ಮಜೌ ।।52
ಜಹಾರ ಭಾರ್ಯಾಂ ರಾಮಸ್ಯ - ಗೃಧ್ರಂ ಹತ್ವಾ ಜಟಾಯುಷಮ್ ।।
ಗೃಧ್ರಞ್ಚ ನಿಹತಂ ದೃಷ್ಟ್ವಾ - ಹೃತಾಂ ಶ್ರುತ್ವಾ ಚ ಮೈಥಿಲೀಮ್।।53
ರಾಘವ ಶ್ಶೋಕ ಸನ್ತಪ್ತಃ - ವಿಲಲಾಪಾಕುಲೇನ್ದ್ರಿಯಃ।
ತತ ಸ್ತೇನೈವ ಶೋಕೇನ - ಗೃಧ್ರಂ ದಗ್ಧ್ವಾ ಜಟಾಯುಷಮ್ ।। 54
ಮಾರ್ಗಮಾಣೋ ವನೇ ಸೀತಾಂ - ರಾಕ್ಷಸಂ ಸನ್ದದರ್ಶ ಹ।
ಕಬನ್ಧಂ ನಾಮ ರೂಪೇಣ - ವಿಕೃತಂ ಘೋರ ದರ್ಶನಮ್ ।। 55
ತ ನ್ನಿಹತ್ಯ ಮಹಾಬಾಹುಃ - ದದಾಹ ಸ್ವರ್ಗತಶ್ಚ ಸಃ।
ಸ ಚಾಸ್ಯ ಕಥಯಾಮಾಸ - ಶಬರೀಂ ಧರ್ಮ ಚಾರಿಣೀಮ್ ।। 56
ಶ್ರಮಣೀಂ ಧರ್ಮ ನಿಪುಣಾಂ – ಅಭಿಗಚ್ಛೇತಿ ರಾಘವಮ್ ।
ಸೋಭ್ಯಗಚ್ಛ ನ್ಮಹಾತೇಜಾಃ - ಶಬರೀಂ ಶತ್ರು ಸೂದನಃ ।। 57
ಶಬರ್ಯಾ ಪೂಜಿತ ಸ್ಸಮ್ಯಕ್ - ರಾಮೋ ದಶರಥಾತ್ಮಜಃ ।
ಪಂಪಾ ತೀರೇ ಹನುಮತಾ - ಸಂಗತೋ ವಾನರೇಣ ಹ ।। 58
ಹನುಮ ದ್ವಚನಾ ಚ್ಚೈವ - ಸುಗ್ರೀವೇಣ ಸಮಾಗತಃ।
ಸುಗ್ರೀವಾಯ ಚ ತತ್ ಸರ್ವಂ - ಶಂಸದ್ರಾಮೋ ಮಹಾಬಲಃ ।। 59
ಆದಿತ ಸ್ತದ್ ಯಥಾ ವೃತ್ತಂ - ಸೀತಾಯಾಶ್ಚ ವಿಶೇಷತಃ।
ಸುಗ್ರೀವ ಶ್ಚಾಪಿ ತತ್ಸರ್ವಂ - ಶ್ರುತ್ವಾ ರಾಮಸ್ಯ ವಾನರಃ ।। 60
ಚಕಾರ ಸಖ್ಯಂ ರಾಮೇಣ - ಪ್ರೀತಶ್ಚೈವಾಗ್ನಿ ಸಾಕ್ಷಿಕಮ್ ।।
ತತೋ ವಾನರ ರಾಜೇನ - ವೈರಾನುಕಥನಂ ಪ್ರತಿ ।। 61
ರಾಮಾಯಾವೇದಿತಂ ಸರ್ವಂ - ಪ್ರಣಯಾ ದ್ದುಃಖಿತೇನ ಚ।
ಪ್ರತಿಜ್ಞಾತಂ ಚ ರಾಮೇಣ - ತದಾ ವಾಲಿ ವಧಂ ಪ್ರತಿ ।। 62
ವಾಲಿನಶ್ಚ ಬಲಂ ತತ್ರ - ಕಥಯಾಮಾಸ ವಾನರಃ।।
ಸುಗ್ರೀವ ಶ್ಶಂಕಿತ ಶ್ಚಾಸೀತ್ - ನಿತ್ಯಂ ವೀರ್ಯೇಣ ರಾಘವೇ ।। 63
ರಾಘವ ಪ್ರತ್ಯಯಾರ್ಥನ್ತು - ದುಂದುಭೇಃ ಕಾಯ ಮುತ್ತಮಮ್।
ದರ್ಶಯಾಮಾಸ ಸುಗ್ರೀವೋ - ಮಹಾಪರ್ವತ ಸನ್ನಿಭಮ್ ।। 64
ಉತ್ಸ್ಮಯಿತ್ವಾ ಮಹಾಬಾಹುಃ - ಪ್ರೇಕ್ಷ್ಯ ಚಾಸ್ಥಿ ಮಹಾಬಲಃ ।
ಪಾದಾಂಗುಷ್ಠೇನ ಚಿಕ್ಷೇಪ - ಸಂಪೂರ್ಣಂ ದಶ ಯೋಜನಮ್ ।। 65
ಬಿಭೇದ ಚ ಪುನ ಸ್ಸಾಲಾನ್ - ಸಪ್ತೈಕೇನ ಮಹೇಷುಣಾ।।
ಗಿರಿಂ ರಸಾತಲಂ ಚೈವ - ಜನಯನ್ ಪ್ರತ್ಯಯಂ ತಥಾ ।। 66
ತತಃ ಪ್ರೀತಮನಾ ಸ್ತೇನ - ವಿಶ್ವಸ್ತ ಸ್ಸ ಮಹಾಕಪಿಃ।
ಕಿಷ್ಕಿನ್ಧಾಂ ರಾಮ ಸಹಿತಃ - ಜಗಾಮ ಚ ಗುಹಾಂ ತದಾ ।। 67
ತತೋ ಗರ್ಜ ದ್ಧರಿವರಃ - ಸುಗ್ರೀವೋ ಹೇಮ ಪಿಙ್ಗಲಃ।
ತೇನ ನಾದೇನ ಮಹತಾ - ನಿರ್ಜಗಾಮ ಹರೀಶ್ವರಃ ।। 68
ಅನುಮಾನ್ಯ ತದಾ ತಾರಾಂ - ಸುಗ್ರೀವೇಣ ಸಮಾಗತಃ।
ನಿಜಘಾನ ಚ ತತ್ರೈನಂ - ಶರೇಣೈಕೇನ ರಾಘವಃ ।। 69
ತತ ಸ್ಸುಗ್ರೀವ ವಚನಾತ್ - ಹತ್ವಾ ವಾಲಿನ ಮಾಹವೇ।
ಸುಗ್ರೀವಮೇವ ತದ್ರಾಜ್ಯೇ - ರಾಘವಃ ಪ್ರತ್ಯಪಾದಯತ್ ।। 70
ಸ ಚ ಸರ್ವಾನ್ ಸಮಾನೀಯ - ವಾನರಾನ್ ವಾನರರ್ಷಭಃ।
ದಿಶಃ ಪ್ರಸ್ಥಾಪಯಾಮಾಸ - ದಿದೃಕ್ಷು ರ್ಜನಕಾತ್ಮಜಾಮ್ ।। 71
ತತೋ ಗೃಧ್ರಸ್ಯ ವಚನಾತ್ - ಸಂಪಾತೇ ರ್ಹನುಮಾನ್ ಬಲೀ ।
ಶತ ಯೋಜನ ವಿಸ್ತೀರ್ಣಂ - ಪುಪ್ಲುವೇ ಲವಣಾರ್ಣವಮ್ ।। 72
ತತ್ರ ಲಙ್ಕಾಂ ಸಮಾಸಾದ್ಯ - ಪುರೀಂ ರಾವಣ ಪಾಲಿತಾಮ್।
ದದರ್ಶ ಸೀತಾಂ ಧ್ಯಾಯನ್ತೀಂ - ಅಶೋಕ ವನಿಕಾಂ ಗತಾಮ್ ।। 73
ನಿವೇದಯಿತ್ವಾಭಿಜ್ಞಾನಂ – ಪ್ರವೃತ್ತಿಂ ಚ ನಿವೇದ್ಯ ಚ।
ಸಮಾಶ್ವಾಸ್ಯ ಚ ವೈದೇಹೀಂ - ಮರ್ದಯಾಮಾಸ ತೋರಣಮ್ ।। 74
ಪಂಚ ಸೇನಾಗ್ರಗಾನ್ ಹತ್ವಾ - ಸಪ್ತ ಮನ್ತ್ರಿ ಸುತಾನಪಿ ।
ಶೂರಮಕ್ಷಂ ಚ ನಿಷ್ಪಿಷ್ಯ - ಗ್ರಹಣಂ ಸಮುಪಾಗಮತ್ ।। 75
ಅಸ್ತ್ರೇಣೋನ್ಮುಕ್ತ ಮಾತ್ಮಾನಂ - ಜ್ಞಾತ್ವಾ ಪೈತಾಮಹಾ ದ್ವರಾತ್ ।
ಮರ್ಷಯನ್ ರಾಕ್ಷಸಾನ್ ವೀರೋ - ಯನ್ತ್ರಿಣ ಸ್ತಾನ್ ಯದೃಚ್ಛಯಾ ।।76
ತತೋ ದಗ್ಧ್ವಾ ಪುರೀಂ ಲಂಕಾಂ - ಋತೇ ಸೀತಾಂ ಚ ಮೈಥಿಲೀಮ್।
ರಾಮಾಯ ಪ್ರಿಯ ಮಾಖ್ಯಾತುಂ - ಪುನ ರಾಯಾ ನ್ಮಹಾಕಪಿಃ।।77
ಸೋಭಿಗಮ್ಯ ಮಹಾತ್ಮಾನಂ - ಕೃತ್ವಾ ರಾಮಂ ಪ್ರದಕ್ಷಿಣಮ್।
ನ್ಯವೇದಯ ದಮೇಯಾತ್ಮಾ - ದೃಷ್ಟಾ ಸೀತೇತಿ ತತ್ತ್ವತಃ ।। 78
ತತ ಸ್ಸುಗ್ರೀವ ಸಹಿತಃ - ಗತ್ವಾ ತೀರಂ ಮಹೋದಧೇಃ।
ಸಮುದ್ರಂ ಕ್ಷೋಭಯಾಮಾಸ - ಶರೈ ರಾದಿತ್ಯ ಸನ್ನಿಭೈಃ ।। 79
ದರ್ಶಯಾಮಾಸ ಚಾತ್ಮಾನಂ - ಸಮುದ್ರ ಸ್ಸರಿತಾಂ ಪತಿಃ।
ಸಮುದ್ರ ವಚನಾಚ್ಚೈವ - ನಲಂ ಸೇತು ಮಕಾರಯತ್ ।। 80
ತೇನ ಗತ್ವಾ ಪುರೀಂ ಲಂಕಾಂ - ಹತ್ವಾ ರಾವಣ ಮಾಹವೇ।
ರಾಮ ಸ್ಸೀತಾ ಮನುಪ್ರಾಪ್ಯ - ಪರಾಂ ವ್ರೀಡಾ ಮುಪಾಗಮತ್ ।।81
ತಾಮುವಾಚ ತತೋ ರಾಮಃ - ಪರುಷಂ ಜನ ಸಂಸದಿ ।
ಅಮೃಷ್ಯಮಾಣಾ ಸಾ ಸೀತಾ - ವಿವೇಶ ಜ್ವಲನಂ ಸತೀ ।। 82
ತತೋಗ್ನಿ ವಚನಾತ್ ಸೀತಾಂ - ಜ್ಞಾತ್ವಾ ವಿಗತ ಕಲ್ಮಷಾಮ್।
ಕರ್ಮಣಾ ತೇನ ಮಹತಾ - ತ್ರೈಲೋಕ್ಯಂ ಸ ಚರಾಚರಮ್ ।। 83
ಸ ದೇವರ್ಷಿ ಗಣಂ ತುಷ್ಟಂ - ರಾಘವಸ್ಯ ಮಹಾತ್ಮನಃ।
ಬಭೌ ರಾಮ ಸ್ಸಂಪ್ರಹೃಷ್ಟಃ – ಪೂಜಿತಃ ಸರ್ವ ದೈವತೈಃ ।। 84
ಅಭಿಷಿಚ್ಯ ಚ ಲಂಕಾಯಾಂ - ರಾಕ್ಷಸೇನ್ದ್ರಂ ವಿಭೀಷಣಮ್।
ಕೃತಕೃತ್ಯ ಸ್ತದಾ ರಾಮಃ - ವಿಜ್ವರಃ ಪ್ರಮುಮೋದ ಹ ।। 85
ದೇವತಾಭ್ಯೋ ವರಾಂ ಪ್ರಾಪ್ಯ - ಸಮುತ್ಥಾಪ್ಯ ಚ ವಾನರಾನ್।।
ಅಯೋಧ್ಯಾಂ ಪ್ರಸ್ಥಿತೋ ರಾಮಃ - ಪುಷ್ಪಕೇಣ ಸುಹೃದ್ವೃತಃ ।। 86
ಭರದ್ವಾಜಾಶ್ರಮಂ ಗತ್ವಾ - ರಾಮ ಸ್ಸತ್ಯ ಪರಾಕ್ರಮಃ।
ಭರತಸ್ಯಾನ್ತಿಕಂ ರಾಮಃ - ಹನುಮನ್ತಂ ವ್ಯಸರ್ಜಯತ್ ।। 87
ಪುನ ರಾಖ್ಯಾಯಿಕಾಂ ಜಲ್ಪನ್ - ಸುಗ್ರೀವ ಸಹಿತ ಸ್ತದಾ।
ಪುಷ್ಪಕಂ ತತ್ ಸಮಾರೂಹ್ಯ - ನಂದಿಗ್ರಾಮಂ ಯಯೌ ತದಾ।।88
ನನ್ದಿಗ್ರಾಮೇ ಜಟಾಂ ಹಿತ್ವಾ - ಭ್ರಾತೃಭಿ ಸ್ಸಹಿತೋನಘಃ।
ರಾಮ ಸ್ಸೀತಾ ಮನು ಪ್ರಾಪ್ಯ - ರಾಜ್ಯಂ ಪುನ ರವಾಪ್ತವಾನ್ ।।89
ಪ್ರಹೃಷ್ಟೋ ಮುದಿತೋ ಲೋಕಃ - ತುಷ್ಟಃ ಪುಷ್ಟ ಸ್ಸುಧಾರ್ಮಿಕಃ।
ನಿರಾಮಯೋ ಹ್ಯರೋಗಶ್ಚ - ದುರ್ಭಿಕ್ಷ ಭಯ ವರ್ಜಿತಃ ।। 90
ನ ಪುತ್ರ ಮರಣಂ ಕಿಂಚಿತ್ - ದ್ರಕ್ಷ್ಯನ್ತಿ ಪುರುಷಾಃ ಕ್ವಚಿತ್।
ನಾರ್ಯಶ್ಚಾವಿಧವಾ ನಿತ್ಯಂ - ಭವಿಷ್ಯನ್ತಿ ಪತಿ ವ್ರತಾಃ।। 91
ನ ಚಾಗ್ನಿಜಂ ಭಯಂ ಕಿಂಚಿತ್ - ನಾಪ್ಸು ಮಜ್ಜನ್ತಿ ಜನ್ತವಃ।
ನ ವಾತಜಂ ಭಯಂ ಕಿಂಚಿತ್ - ನಾಪಿ ಜ್ವರ ಕೃತ ನ್ತಥಾ ।। 92
ನ ಚಾಪಿ ಕ್ಷುದ್ಭಯಂ ತತ್ರ - ನ ತಸ್ಕರ ಭಯ ನ್ತಥಾ।
ನಗರಾಣಿ ಚ ರಾಷ್ಟ್ರಾಣಿ - ಧನ ಧಾನ್ಯ ಯುತಾನಿ ಚ ।। 93
ನಿತ್ಯಂ ಪ್ರಮುದಿತಾ ಸ್ಸರ್ವೇ - ಯಥಾ ಕೃತ ಯುಗೇ ತಥಾ।
ಅಶ್ವಮೇಧ ಶತೈರಿಷ್ಟ್ವಾ - ತಥಾ ಬಹು ಸುವರ್ಣಕೈಃ ।। 94
ಗವಾಂ ಕೋಟ್ಯಯುತಂ ದತ್ತ್ವಾ - ವಿದ್ವದ್ಭ್ಯೋ ವಿಧಿ ಪೂರ್ವಕಮ್।
ಅಸಂಖ್ಯೇಯಂ ಧನಂ ದತ್ತ್ವಾ - ಬ್ರಾಹ್ಮಣೇಭ್ಯೋ ಮಹಾಯಶಾಃ।।95
ರಾಜ ವಂಶಾನ್ ಶತ ಗುಣಾನ್ - ಸ್ಥಾಪಯಿಷ್ಯತಿ ರಾಘವಃ।
ಚಾತುರ್ವರ್ಣ್ಯಞ್ಚ ಲೋಕೇಸ್ಮಿನ್ - ಸ್ವೇ ಸ್ವೇ ಧರ್ಮೇ ನಿಯೋಕ್ಷ್ಯತಿ ।। 96
ದಶ ವರ್ಷ ಸಹಸ್ರಾಣಿ - ದಶ ವರ್ಷ ಶತಾನಿ ಚ ।
ರಾಮೋ ರಾಜ್ಯಮುಪಾಸಿತ್ವಾ - ಬ್ರಹ್ಮ ಲೋಕಂ ಪ್ರಯಾಸ್ಯತಿ ।। 97
ಇದಂ ಪವಿತ್ರಂ ಪಾಪಘ್ನಂ - ಪುಣ್ಯಂ ವೇದೈಶ್ಚ ಸಂಮಿತಮ್।
ಯಃ ಪಠೇ ದ್ರಾಮ ಚರಿತಂ - ಸರ್ವ ಪಾಪೈಃ ಪ್ರಮುಚ್ಯತೇ ।। 98
ಏತ ದಾಖ್ಯಾನ ಮಾಯುಷ್ಯಂ - ಪಠನ್ ರಾಮಾಯಣ ನ್ನರಃ।
ಸ ಪುತ್ರ ಪೌತ್ರ ಸ್ಸ ಗಣಃ - ಪ್ರೇತ್ಯ ಸ್ವರ್ಗೇ ಮಹೀಯತೇ ।। 99
ಪಠನ್ ದ್ವಿಜೋ ವಾಗೃಋಷಭತ್ವ ಮೀಯಾತ್
ಸ್ಯಾತ್ ಕ್ಷತ್ರಿಯೋ ಭೂಮಿ ಪತಿತ್ವಮೀಯಾತ್।
ವಣಿಗ್ಜನ ಪಣ್ಯ ಫಲತ್ವಮೀಯಾತ್
ಜನಶ್ಚ ಶೂದ್ರೋಪಿ ಮಹತ್ತ್ವ ಮೀಯಾತ್ ।। 100
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿ ಕಾವ್ಯೇ,
ಸಂಕ್ಷೇಪೋ ನಾಮ ಪ್ರಥಮ ಸ್ಸರ್ಗಃ।।
ರಾಮೋ ರಾಜಮಣಿ ಸ್ಸದಾ ವಿಜಯತೇ, ರಾಮಂ ರಮೇಶಂ ಭಜೇ।
ರಾಮೇಣಾಭಿಹತಾ ನಿಶಾಚರ ಚಮೂಃ, ರಾಮಾಯ ತಸ್ಮೈ ನಮಃ।
ರಾಮಾನ್ನಾಸ್ತಿ ಪರಾಯಣಂ ಪರತರಂ, ರಾಮಸ್ಯ ದಾಸೋಸ್ಮ್ಯಹಂ
ರಾಮೇ ಚಿತ್ತಲಯ ಸ್ಸದಾ ಭವತು ಮೇ, ಭೋ ರಾಮ ಮಾಮುದ್ಧರ।।
తపస్స్వాధ్యాయ నిరతం - తపస్వీ వాగ్విదాం వరమ్ ।
నారదం పరిపప్రచ్ఛ - వాల్మీకిర్ మునిపుంగవమ్ ।। 1
కోన్వస్మిన్ సాంప్రతం లోకే - గుణవాన్ కశ్చ వీర్యవాన్ ।
ధర్మజ్ఞశ్చ కృతజ్ఞశ్చ - సత్యవాక్యో దృఢవ్రతః ।। 2
చారిత్రేణ చ కో యుక్తః - సర్వ భూతేషు కో హితః ।
విద్వాన్ కః క స్సమర్థశ్చ - కశ్చైక ప్రియదర్శనః।। 3
ఆత్మవాన్ కో జితక్రోధో - ద్యుతిమాన్ కోనసూయకః ।
కస్య బిభ్యతి దేవాశ్చ - జాత రోషస్య సంయుగే ।। 4
ఏత దిచ్ఛామ్యహం శ్రోతుం - పరం కౌతూహలం హి మే ।
మహర్షే త్వం సమర్థోసి - జ్ఞాతు మేవం విధం నరమ్।। 5
శ్రుత్వా చైతత్ త్రిలోకజ్ఞో - వాల్మీకే ర్నారదో వచః ।
శ్రూయతా మితి చామన్త్ర్య - ప్రహృష్టో వాక్య మబ్రవీత్।।6
బహవో దుర్లభా శ్చైవ - యే త్వయా కీర్తితా గుణాః।
మునే వక్ష్యామ్యహం బుద్ధ్వా - తైర్యుక్త శ్శ్రూయతాం నరః।।7
ఇక్ష్వాకు వంశ ప్రభవః - రామో నామ జనై శ్శ్రుతః ।
నియతాత్మా మహావీర్యః - ద్యుతిమాన్ ధృతిమాన్ వశీ ।। 8
బుద్ధిమాన్ నీతిమాన్ వాగ్మీ - శ్రీమాన్ శత్రు నిబర్హణః।
విపులాంసో మహాబాహుః - కంబు గ్రీవో మహాహనుః।। 9
మహోరస్కో మహేష్వాసః - గూఢ జత్రు రరిన్దమః।
ఆజాను బాహు స్సుశిరాః - సులలాట స్సువిక్రమః ।। 10
సమ స్సమ విభక్తాంగః - స్నిగ్ధ వర్ణః ప్రతాపవాన్ ।
పీన వక్షా విశాలాక్షః - లక్ష్మీవాన్ శుభ లక్షణః ।। 11
ధర్మజ్ఞ స్సత్యసన్ధశ్చ - ప్రజానాం చ హితే రతః ।
యశస్వీ జ్ఞానసంపన్నః - శుచి ర్వశ్య స్సమాధిమాన్ ।। 12
ప్రజాపతి సమ శ్శ్రీమాన్ - ధాతా రిపు నిషూదనః।
రక్షితా జీవలోకస్య - ధర్మస్య పరి రక్షితా।। 13
రక్షితా స్వస్య ధర్మస్య - స్వజనస్య చ రక్షితా।
వేద వేదాంగ తత్త్వజ్ఞః - ధనుర్వేదే చ నిష్ఠితః।। 14
సర్వ శాస్త్రార్థ తత్త్వజ్ఞః - స్మృతిమాన్ ప్రతిభానవాన్ ।
సర్వలోక ప్రియ స్సాధుః - అదీనాత్మా విచక్షణః ।। 15
సర్వదాభిగత స్సద్భిః - సముద్ర ఇవ సిన్ధుభిః।
ఆర్య స్సర్వసమశ్చైవ - సదైవ ప్రియ దర్శనః ।। 16
స చ సర్వ గుణోపేతః - కౌసల్యానన్ద వర్ధనః।
సముద్ర ఇవ గామ్భీర్యే - ధైర్యేణ హిమవా నివ ।। 17
విష్ణునా సదృశో వీర్యే - సోమవత్ ప్రియ దర్శనః।
కాలాగ్ని సదృశః క్రోధే - క్షమయా పృథ్వీ సమః ।। 18
ధనదేన సమ స్త్యాగే - సత్యే ధర్మ ఇవాపరః ।
తమేవం గుణ సంపన్నం - రామం సత్య పరాక్రమమ్ ।।19
జ్యేష్ఠం శ్రేష్ఠ గుణైర్యుక్తం - ప్రియం దశరథ స్సుతమ్।
ప్రకృతీనాం హితైర్యుక్తం - ప్రకృతి ప్రియ కామ్యయా ।। 20
యౌవ రాజ్యేన సంయోక్తుం - ఐచ్ఛత్ ప్రీత్యా మహీపతిః ।
తస్యాభిషేక సంభారాన్ - దృష్ట్వా భార్యాథ కైకయీ ।। 21
పూర్వం దత్తవరా దేవీ - వరమేన మయాచత।
వివాసనఞ్చ రామస్య - భరతస్యాభిషేచనమ్ ।। 22
స సత్య వచనాచ్చైవ - ధర్మ పాశేన సంయతః।
వివాసయామాస సుతం - రామం దశరథః ప్రియమ్ ।। 23
స జగామ వనం వీరః - ప్రతిజ్ఞా మనుపాలయన్ ।
పితుర్వచన నిర్దేశాత్ - కైకేయ్యా ప్రియ కారణాత్ ।। 24
తం వ్రజన్తం ప్రియో భ్రాతా - లక్ష్మణో నుజగామ హ।
స్నేహా ద్వినయ సంపన్నః - సుమిత్రానన్ద వర్ధనః ।। 25
భ్రాతరం దయితో భ్రాతుః – సౌభ్రాత్ర మను దర్శయన్।
రామస్య దయితా భార్యా - నిత్యం ప్రాణ సమాహితా ।। 26
జనకస్య కులే జాతా - దేవ మాయేవ నిర్మితా।
సర్వ లక్షణ సంపన్నా - నారీణా ముత్తమా వధూః ।। 27
సీతాప్యనుగతా రామం - శశినం రోహిణీ యథా ।
పౌరై రనుగతో దూరం - పిత్రా దశరథేన చ ।। 28
శృంగిబేర పురే సూతం - గంగా కూలే వ్యసర్జయత్ ।
గుహ మాసాద్య ధర్మాత్మా - నిషాదాధిపతిం ప్రియమ్ ।।29
గుహేన సహితో రామః - లక్ష్మణేన చ సీతయా।
తే వనేన వనం గత్వా - నదీ స్తీర్త్వా బహూదకాః ।। 30
చిత్రకూట మనుప్రాప్య - భరద్వాజస్య శాసనాత్ ।
రమ్య మావసథం కృత్వా - రమమాణా వనే త్రయః ।। 31
దేవ గన్ధర్వ సంకాశాః - తత్ర తే న్యవసన్ సుఖమ్ ।
చిత్రకూటం గతే రామే - పుత్ర శోకాతుర స్తథా ।। 32
రాజా దశరథ స్స్వర్గం - జగామ విలపన్ సుతమ్ ।
గతే తు తస్మిన్ భరతః - వసిష్ఠ ప్రముఖై ర్ద్విజైః ।। 33
నియుజ్యమానో రాజ్యాయ - నైచ్ఛ ద్రాజ్యం మహాబలః।
స జగామ వనం వీరః - రామ పాద ప్రసాదతః।। 34
గత్వా తు స మహాత్మానం - రామం సత్య పరాక్రమమ్।।
అయాచ ద్భ్రాతరం రామం - ఆర్య భావ పురస్కృతః ।। 35
త్వమేవ రాజా ధర్మజ్ఞః - ఇతి రామం వచోబ్రవీత్ ।
రామోపి పరమోదారః - సుముఖ స్సుమహాయశాః ।। 36
న చైచ్ఛత్ పితు రాదేశాత్ - రాజ్యం రామో మహాబలః।
పాదుకే చాస్య రాజ్యాయ - న్యాసం దత్త్వా పునః పునః।।37
నివర్తయామాస తతః - భరతం భరతాగ్రజః।
స కామ మనవాప్యైవ - రామ పాదా వుపస్పృశన్ ।। 38
నన్ది గ్రామేకరోత్ రాజ్యం - రామాగమన కాంక్షయా ।
గతే తు భరతే శ్రీమాన్ - సత్య సన్ధో జితేన్ద్రియః ।। 39
రామస్తు పున రాలక్ష్య - నగరస్య జనస్య చ।
తత్ర ఆగమన మేకాగ్రః - దణ్డకాన్ ప్రవివేశ హ ।। 40
ప్రవిశ్య తు మహారణ్యం - రామో రాజీవ లోచనః ।
విరాధం రాక్షసం హత్వా - శరభంగం దదర్శ హ ।। 41
సుతీక్ష్ణం చాప్యగస్త్యం చ - అగస్త్య భ్రాతరం తథా।
అగస్త్య వచనాచ్చైవ - జగ్రాహైన్ద్రం శరాసనమ్ ।। 42
ఖడ్గం చ పరమ ప్రీతః - తూణీ చాక్షయ సాయకౌ।
వసత స్తస్య రామస్య - వనే వనచరై స్సహ ।। 43
ఋషయో భ్యాగమన్ సర్వే - వధాయాసుర రక్షసామ్।
స తేషాం ప్రతి శుశ్రావ - రాక్షసానాం తథా వనే ।। 44
ప్రతిజ్ఞాతశ్చ చ రామేణ - వధ స్సంయతి రక్షసామ్ ।
ఋషీణా మగ్ని కల్పానాం - దండకారణ్య వాసినామ్ ।। 45
తేన తత్రైవ వసతా - జన స్థాన నివాసినీ ।
విరూపితా శూర్పణఖా - రాక్షసీ కామ రూపిణీ ।। 46
తత శ్శూర్పణఖా వాక్యాత్ - ఉద్యుక్తాన్ సర్వ రాక్షసాన్।
ఖరం త్రిశిరసం చైవ – దూషణం చైవ రాక్షసమ్ ।। 47
నిజఘాన రణే రామః – తేషాం చైవ పదానుగాన్ ।
వనే తస్మిన్ నివసతా - జనస్థాన నివాసినామ్ ।। 48
రక్షసాం నిహతాన్యాసన్ - సహస్రాణి చతుర్దశ ।
తతో జ్ఞాతి వధం శ్రుత్వా - రావణః క్రోధ మూర్ఛితః ।। 49
సహాయం వరయామాస - మారీచం నామ రాక్షసమ్।
వార్యమాణ స్సుబహుశః - మారీచేన స రావణః ।। 50
న విరోధో బలవతా - క్షమో రావణ తేన తే ।
అనాదృత్య తు తద్వాక్యం - రావణః కాల చోదితః ।। 51
జగామ సహ మారీచః - తస్యాశ్రమ పదం తదా।
తేన మాయావినా దూరం - అపవాహ్య నృపాత్మజౌ ।।52
జహార భార్యాం రామస్య - గృధ్రం హత్వా జటాయుషమ్ ।।
గృధ్రఞ్చ నిహతం దృష్ట్వా - హృతాం శ్రుత్వా చ మైథిలీమ్।।53
రాఘవ శ్శోక సన్తప్తః - విలలాపాకులేన్ద్రియః।
తత స్తేనైవ శోకేన - గృధ్రం దగ్ధ్వా జటాయుషమ్ ।। 54
మార్గమాణో వనే సీతాం - రాక్షసం సన్దదర్శ హ।
కబన్ధం నామ రూపేణ - వికృతం ఘోర దర్శనమ్ ।। 55
త న్నిహత్య మహాబాహుః - దదాహ స్వర్గతశ్చ సః।
స చాస్య కథయామాస - శబరీం ధర్మ చారిణీమ్ ।। 56
శ్రమణీం ధర్మ నిపుణాం – అభిగచ్ఛేతి రాఘవమ్ ।
సోభ్యగచ్ఛ న్మహాతేజాః - శబరీం శత్రు సూదనః ।। 57
శబర్యా పూజిత స్సమ్యక్ - రామో దశరథాత్మజః ।
పంపా తీరే హనుమతా - సంగతో వానరేణ హ ।। 58
హనుమ ద్వచనా చ్చైవ - సుగ్రీవేణ సమాగతః।
సుగ్రీవాయ చ తత్ సర్వం - శంసద్రామో మహాబలః ।। 59
ఆదిత స్తద్ యథా వృత్తం - సీతాయాశ్చ విశేషతః।
సుగ్రీవ శ్చాపి తత్సర్వం - శ్రుత్వా రామస్య వానరః ।। 60
చకార సఖ్యం రామేణ - ప్రీతశ్చైవాగ్ని సాక్షికమ్ ।।
తతో వానర రాజేన - వైరానుకథనం ప్రతి ।। 61
రామాయావేదితం సర్వం - ప్రణయా ద్దుఃఖితేన చ।
ప్రతిజ్ఞాతం చ రామేణ - తదా వాలి వధం ప్రతి ।। 62
వాలినశ్చ బలం తత్ర - కథయామాస వానరః।।
సుగ్రీవ శ్శంకిత శ్చాసీత్ - నిత్యం వీర్యేణ రాఘవే ।। 63
రాఘవ ప్రత్యయార్థన్తు - దుందుభేః కాయ ముత్తమమ్।
దర్శయామాస సుగ్రీవో - మహాపర్వత సన్నిభమ్ ।। 64
ఉత్స్మయిత్వా మహాబాహుః - ప్రేక్ష్య చాస్థి మహాబలః ।
పాదాంగుష్ఠేన చిక్షేప - సంపూర్ణం దశ యోజనమ్ ।। 65
బిభేద చ పున స్సాలాన్ - సప్తైకేన మహేషుణా।।
గిరిం రసాతలం చైవ - జనయన్ ప్రత్యయం తథా ।। 66
తతః ప్రీతమనా స్తేన - విశ్వస్త స్స మహాకపిః।
కిష్కిన్ధాం రామ సహితః - జగామ చ గుహాం తదా ।। 67
తతో గర్జ ద్ధరివరః - సుగ్రీవో హేమ పిఙ్గలః।
తేన నాదేన మహతా - నిర్జగామ హరీశ్వరః ।। 68
అనుమాన్య తదా తారాం - సుగ్రీవేణ సమాగతః।
నిజఘాన చ తత్రైనం - శరేణైకేన రాఘవః ।। 69
తత స్సుగ్రీవ వచనాత్ - హత్వా వాలిన మాహవే।
సుగ్రీవమేవ తద్రాజ్యే - రాఘవః ప్రత్యపాదయత్ ।। 70
స చ సర్వాన్ సమానీయ - వానరాన్ వానరర్షభః।
దిశః ప్రస్థాపయామాస - దిదృక్షు ర్జనకాత్మజామ్ ।। 71
తతో గృధ్రస్య వచనాత్ - సంపాతే ర్హనుమాన్ బలీ ।
శత యోజన విస్తీర్ణం - పుప్లువే లవణార్ణవమ్ ।। 72
తత్ర లఙ్కాం సమాసాద్య - పురీం రావణ పాలితామ్।
దదర్శ సీతాం ధ్యాయన్తీం - అశోక వనికాం గతామ్ ।। 73
నివేదయిత్వాభిజ్ఞానం – ప్రవృత్తిం చ నివేద్య చ।
సమాశ్వాస్య చ వైదేహీం - మర్దయామాస తోరణమ్ ।। 74
పంచ సేనాగ్రగాన్ హత్వా - సప్త మన్త్రి సుతానపి ।
శూరమక్షం చ నిష్పిష్య - గ్రహణం సముపాగమత్ ।। 75
అస్త్రేణోన్ముక్త మాత్మానం - జ్ఞాత్వా పైతామహా ద్వరాత్ ।
మర్షయన్ రాక్షసాన్ వీరో - యన్త్రిణ స్తాన్ యదృచ్ఛయా ।।76
తతో దగ్ధ్వా పురీం లంకాం - ఋతే సీతాం చ మైథిలీమ్।
రామాయ ప్రియ మాఖ్యాతుం - పున రాయా న్మహాకపిః।।77
సోభిగమ్య మహాత్మానం - కృత్వా రామం ప్రదక్షిణమ్।
న్యవేదయ దమేయాత్మా - దృష్టా సీతేతి తత్త్వతః ।। 78
తత స్సుగ్రీవ సహితః - గత్వా తీరం మహోదధేః।
సముద్రం క్షోభయామాస - శరై రాదిత్య సన్నిభైః ।। 79
దర్శయామాస చాత్మానం - సముద్ర స్సరితాం పతిః।
సముద్ర వచనాచ్చైవ - నలం సేతు మకారయత్ ।। 80
తేన గత్వా పురీం లంకాం - హత్వా రావణ మాహవే।
రామ స్సీతా మనుప్రాప్య - పరాం వ్రీడా ముపాగమత్ ।।81
తామువాచ తతో రామః - పరుషం జన సంసది ।
అమృష్యమాణా సా సీతా - వివేశ జ్వలనం సతీ ।। 82
తతోగ్ని వచనాత్ సీతాం - జ్ఞాత్వా విగత కల్మషామ్।
కర్మణా తేన మహతా - త్రైలోక్యం స చరాచరమ్ ।। 83
స దేవర్షి గణం తుష్టం - రాఘవస్య మహాత్మనః।
బభౌ రామ స్సంప్రహృష్టః – పూజితః సర్వ దైవతైః ।। 84
అభిషిచ్య చ లంకాయాం - రాక్షసేన్ద్రం విభీషణమ్।
కృతకృత్య స్తదా రామః - విజ్వరః ప్రముమోద హ ।। 85
దేవతాభ్యో వరాం ప్రాప్య - సముత్థాప్య చ వానరాన్।।
అయోధ్యాం ప్రస్థితో రామః - పుష్పకేణ సుహృద్వృతః ।। 86
భరద్వాజాశ్రమం గత్వా - రామ స్సత్య పరాక్రమః।
భరతస్యాన్తికం రామః - హనుమన్తం వ్యసర్జయత్ ।। 87
పున రాఖ్యాయికాం జల్పన్ - సుగ్రీవ సహిత స్తదా।
పుష్పకం తత్ సమారూహ్య - నందిగ్రామం యయౌ తదా।।88
నన్దిగ్రామే జటాం హిత్వా - భ్రాతృభి స్సహితోనఘః।
రామ స్సీతా మను ప్రాప్య - రాజ్యం పున రవాప్తవాన్ ।।89
ప్రహృష్టో ముదితో లోకః - తుష్టః పుష్ట స్సుధార్మికః।
నిరామయో హ్యరోగశ్చ - దుర్భిక్ష భయ వర్జితః ।। 90
న పుత్ర మరణం కించిత్ - ద్రక్ష్యన్తి పురుషాః క్వచిత్।
నార్యశ్చావిధవా నిత్యం - భవిష్యన్తి పతి వ్రతాః।। 91
న చాగ్నిజం భయం కించిత్ - నాప్సు మజ్జన్తి జన్తవః।
న వాతజం భయం కించిత్ - నాపి జ్వర కృత న్తథా ।। 92
న చాపి క్షుద్భయం తత్ర - న తస్కర భయ న్తథా।
నగరాణి చ రాష్ట్రాణి - ధన ధాన్య యుతాని చ ।। 93
నిత్యం ప్రముదితా స్సర్వే - యథా కృత యుగే తథా।
అశ్వమేధ శతైరిష్ట్వా - తథా బహు సువర్ణకైః ।। 94
గవాం కోట్యయుతం దత్త్వా - విద్వద్భ్యో విధి పూర్వకమ్।
అసంఖ్యేయం ధనం దత్త్వా - బ్రాహ్మణేభ్యో మహాయశాః।।95
రాజ వంశాన్ శత గుణాన్ - స్థాపయిష్యతి రాఘవః।
చాతుర్వర్ణ్యఞ్చ లోకేస్మిన్ - స్వే స్వే ధర్మే నియోక్ష్యతి ।। 96
దశ వర్ష సహస్రాణి - దశ వర్ష శతాని చ ।
రామో రాజ్యముపాసిత్వా - బ్రహ్మ లోకం ప్రయాస్యతి ।। 97
ఇదం పవిత్రం పాపఘ్నం - పుణ్యం వేదైశ్చ సంమితమ్।
యః పఠే ద్రామ చరితం - సర్వ పాపైః ప్రముచ్యతే ।। 98
ఏత దాఖ్యాన మాయుష్యం - పఠన్ రామాయణ న్నరః।
స పుత్ర పౌత్ర స్స గణః - ప్రేత్య స్వర్గే మహీయతే ।। 99
పఠన్ ద్విజో వాగృఋషభత్వ మీయాత్
స్యాత్ క్షత్రియో భూమి పతిత్వమీయాత్।
వణిగ్జన పణ్య ఫలత్వమీయాత్
జనశ్చ శూద్రోపి మహత్త్వ మీయాత్ ।। 100
ఇత్యార్షే శ్రీమద్రామాయణే ఆది కావ్యే,
సంక్షేపో నామ ప్రథమ స్సర్గః।।
రామో రాజమణి స్సదా విజయతే, రామం రమేశం భజే।
రామేణాభిహతా నిశాచర చమూః, రామాయ తస్మై నమః।
రామాన్నాస్తి పరాయణం పరతరం, రామస్య దాసోస్మ్యహం
రామే చిత్తలయ స్సదా భవతు మే, భో రామ మాముద్ధర।।